Jul 31 – ISOR JUN HI ARU EKBAR BONAI!

Jeremiah  31:4 “aru ekbaar, Ami apuni ke bonabo, aru apuni dubara bonibo, O sapha Israel laga!”

Isor pora koi ki Tai bonabo apuni ke aru ekbaar. Poila laga din khan te ki bi boni kene thakile bi, rukhai dishe adha pora, nahoilebi bhangai dishe. Itu ekta sawal thakibo pare ki judi itu ke aru ekbaar bonabo. Hoilebi Isor pora kosom di ase aji apuni ke duibaar bonabole.

Ekta dhon manu thakishe, jun hi shuru korishe bonabole tai laga mahal. Jitya imarat tu boni thakishe olop uncha zameen pora, utu manu bimar te giri jaishe aru ekta dangor nuksaan te, jitu karone tai pura koribo paranai utu pora uporte. Homoi jai thaki kene, utu imarat tu hoile bonabole napara laga  stithi te ahishe. Hoilebi jitya tai laga bacha khan Iosr ke bisarishe, ekta dangor achurit hoishe aru shuru hoishe modot pabole najana khan pora bi. Utu imarat tu bhal pora hi pura hoishe, olop homoi bhitorte hi.

Pichete tai khan shadi dishe tai khan laga chukri ke ekta bhal pora likha manu ke. Durbhagya pora tate shuru hoishe nabuja laga maiki mota bhitorte, olop mohina laga sadi bhitorte. Aru tai khan alag hobole lagishe. Jitya tai laga chukri ghor te baba loga ghorte ahishe, tai laga ama baba khan pora bhal pora prathana korishe tai karone. Aru Isor laga ashirbaad pora, tai laga mota mon bodlishe tai khan milishe aru tai laga jibon aru boni jaishe. Isor pora ashirbaad korishe utu porivaar ke bacha logote. Aji Isor pora apuni ke kosom di ase: “aru ekbaar, ami apuni ke bonabo, aru apuni dubara bonibo, O sapha Israel!” (Jeremiah 31:4).

Moses ke mate chokra pharaoh laga chukri laga. Pobitro kotha te koi: “aru moses janishe ki sob gyaan te Egypt manu khan laga, aru tagot thakishe kotha aru kaam khan te bi.” (Acts 7:22). Tai laga rajyo laga jibon, bonishe challis saal khan te, ahishe achanak nichete. Tai polabole lagishe Egypt pora, ki tai pura koribole kuchis korishe Isor laga icha ke tai laga hisab pora. Aru utu tagot thaka rajkumar pora, tai komi jaishe ekta chutu charwaha te. Pobitro kotha te koi: “kilekoile tai khan bhabna nakore Iosr laga kaam khan ke, nahoile bi Tai laga hath laga kaam khan ke, Tai pora khotom kori dibo aru nauthabo tai khan ke.” (Psalm 28:5).

Hoilebi jitya moses paishe anugrah Isor laga, jun hi prakat hoishe juli thaka jhari te mount Horeb te, tai laga jibon challis saal moab laga mati te bitai diya tu ses te ahishe. Aru moses ke mati diya tu aru ekbaar uthsidishe. Moses pora hi, Isor pora mukti dishe Israel manu khan ke Egypt khan laga bondhi pora. Tai uthia dishe tai khan ke. Isor laga bacha khan, Isor pora apuni laga jibon bi aru ekbaar uthabo. Ki tai utu Isor nahoi jun hi dubara uthai?

aji bhabna koribole laga pobitro kotha tu hoile Jeremiah 31:20 ki Ephraim ami laga chokra ase? Ki tai bhal bacha ase? Kile Ami tai laga biya koile bi, Ami tai ke hodai hi yaad kore; itu karone, Ami laga mon tai ke bisare; Ami tai uporte hosabi daya thakibo, koi Isor pora.” (jeremiah 31:20)