Jul 29 – TAI JUN HI MAHIMA DIYE!

Psalm 50:23 “jun hi Ami ke mahima diye, uncha kore Ami ke”!

Psalm 50, Psalm Asaph laga koi, jun hi daksh sangeetkar thakishe David laga gayaki dal te. Tai bishi pratibhashali thakishe boja bole branjar chimble (Chronicles 15:19). Pobitro Koth itu bi koi ki tai ekta chaonta (mane ayurved kora manu) aru tai bonaishe bishi gana Isor ke mahima kori kene. (Chronicles 29:30).

Ekta dangor achurit rahasya tai ki janishe koile ki ‘jun bi diye mahima, uncha kore Isor ke’ (Psalm 50:23). Abraham tagot thakishe biswas te, Isor ke uncha kori kene (Romans 4:20). Jitya mahima diye, Isor jun hi mahima laga majote thake, ahe utu jagate. Ki pura jaga hi bhorta hoi tai laga achurit maujudgi pora. Kilekoile David pora itu ke paishe, tai koishe tai mahima koreIsor ke saat baar din te (Psalm 119:164).

Olop homoi nimite ami khan itu prithibi te ase, apuni laga jibon ke ekta lakshya dibi Isor ke mahima kora laga. Jitya apuni Isor laga gawahi diye, Tai laga naam uncha hoi. Jitya apuni ekta udharan diye manu seva kora laga, Isor laga naam uncha hoi apuni laga bhal kaam pora.

Pobitro kotha te amikhan kesavdhan bi kore itu podh pora. “Tai khan Isor ke janile bi,tai khan naam uncha nakore Isor  koi kene,dhanyabaad bi nahoi, hoilebi tai khan laga bhabna te letra hoi, aru tai khan laga budhu mon khan andhera hoi.” (Romans 1:21). Khali ami khan laga  mon nahoi kene, hoilebi kiman bishi porivaar khan bi andhera hoi jai, kilekoile tai khan harishe Isor ke mahima kori kene naam uncha koribole.

Hoilebi Isor pora ic ha kore ki apuni  laga ghor bishi unjala hobo lage. hobole dibi apuni laga ghor Isor laga mahima pora bhorta aru Tai laga duth khan ke apuni laga ghor laga nigrani. Hobole dibi apuni laga ghor ke bhorta atma pora prathana laga aru koribole dibi mahima Isor laga sob homoi te. Bhabna koribi apuni laga mon te Taike mahima koribole sob homoi te.

Ami khan laga Isor jisu Krista,dishe mahima aru dhonyobaad tai laga prathana monjur nahoa agete. Tai khara korishe Lazarus laga gufa usorte, suku uthai kene swarg phile  aru koishe, “Baba, Ami dhonyobaad kori ase Apuni ke ki Apuni Amike hunishi. Mahima kora pichete aru naam uncha kora pichete Baba Isor laga, Tai adesh dishe Lazarus ke age ahibole. Aru jinika  tai adesh dishe, Lazarus zinda hoi kene ahishe.

Isor laga bacha khan, jani lobi zaroorat mahima kora laga, dhonyobaad aru naam uncha kora laga aapuni laga jibon te. Mahima pora aru dhonyobaad pora, sukha haddi bi jibon te ahibo wapas.

 Aji bhabna koribole laga pobitro kotha tu hoile Philippians 4:6-7 “utsuk nahobi iku karone bi, hoilebi sob saman khan te prathana kori kene anurodh koribi, dhonyobaad di kene, hobole dibi apuni laga anurodh ke janai dibole Isor ke; aru shanty Isor laga, juntu paar kore sob buja laga, dhyaan rakhibo apuni laga mon aru bhabna khan ke Jisu Krista phine pora.