Jul 28 – VIKRAJAYERO

Gener vath 11:24 Soran vundan savukar vevali cha, Ghano kattina vethanu gareeb vevali cha.

Yeklo sevak sabhan bhanden viswasi kukan pissa vassol karena ma kathraiko vela padrochu kethanu kelayo. Yee sevak  panithi bharan chajako spangin nachovajanaj pani bhar avaju viswasivun thayar kidojako vor thappu. Jethi thodsek bhatar nai chajen Moser hathemar lakadithi marathoj pani bhar avaju racha.

Hannu jorbharithi Noraa karan Deven devo kan puchlero vunden ashis koni. Juno rajakiya nayaka Rajaji Hannu ko, phulevumathi avajako makarandan peelen keedavo phaladikarana karevasu kam dacha. Yeej gheeyen vo keedavur pilpilavun paalen vupayoga karacha. Ajji migalijako vunder vasu rakaldacha. Hannuj apan sada ajjeken karnu. Vorsaruj Dever vath Soran vundan savukar vevali cha kan kacha.

Ganith shasrthema 7 ankena lakkanu katho 5ann 2 bhelnu. Hannuj athmikvagi thu 5 ann 2 bhelan dastho 5000 thin jada phelavacha. Prabhur hathen dinejako 5 malin 2 baatin dinejana 5000 hazar admin khathanu 12 volda padeju ashis kido.

Yek haaser kahani cha. Voma Yeklo dusaren massaj daan dharma karevalo vetho. Yek dad von araam vethi koni jethi vu aspathrina gojana votha aspathri ma kam karrojakonen 5 lack pissa lattarima ayijen dittotho, vu vaidhya karevalo vu admin abbaj katho dall phutan marjaye, vona ma kuchu kan kethanu,vu admi kan jathanu thona yek hazar rapya thona lattarima ayicha kela thu kai karechi? Kan puchotho, vona ma dass anadhavun ventnakuchu kan ko. Yekvela 5 lack rapya lattarima malicha katho kai karechi kan puchotho? Voma thona 3 Lack thonaj denakuchu karesath yee vaidya karevalen Ghano achamo vero jannaj Vu admi Damm chonako.

Yetha Prabhu chajena Ajji jasthi deni kasen katho assa manikya Prabhur bharosena chajeni. Kanna vunden pissa avachko janna tokarikhan papema mazaa karan masthi Karacha. Mar premer Dever beptavo kanna thu Deven khushithi dechiko janna Dev thona bharpurethi ashis karnakacha.

Ajji jada dhyan Karen pado  Gener vath 28 :27 Gareeben dekan dharam marevalen chodalacha, pan vona dekan aanki burlevalo ghane sarapena lellacha.