Appam - Soura

Jul 19 – Butente Erre-Guijte!

“Kun apsele janang anin a itente a lanuman karran ranaptin batte mang-ling-hen barate, anta tam lanuman ambrij erre guijle roppin baratai” (Kolosi 1:29).

Aamben agaja aerre-guije ranapti-ling-ben, bindo Kitungan a ranaptin batte, itente barate ranaptin batte mang-ling-ben. Kan ate a ranaptin mang-ling-ben adakun asan, anten asan amben bo surda dainan ahangte danuaaiyan saaring ruang-lingan adakunaben.

Bo mandran saring mandran dainan hangte, anin aranaptin abmele galamdongete bindo asanggem-maranji aranaptin. Aamben oskailen adakunaben dete itente Janggarda mandrengna-ling-ben anabtaangoran abmele sanuten.

Anlen kznoltaben abrunan abmele, danisam 5:14 lingan. s’ing-lingan, aangante dunkarin a tanongban a d’ong joldate orde bogad tanongba dukkarin a d’ong joldate, abrunan a janggardan yirtai s’ingban. Ite-janang adnang, tanongban dukkarin amang saring orde dukkarin oskaite a tanongban abmele. Kan ambrij aayam-lingan bo bigarda janggardan yirtai, a d’ongan badrabte do akznsan, do er bangsa baran alumben oskaite do tanuaban janang. Umdrengle kan ambrij a janggardanji surpidamnaben dete Kitungan Jisun amangban, Sanabyu Rajan, sanabyun do tanimyiman.

Samuel 16 lingan, anlen kznoltabe duai-janggardan abmele. “Do GAMANGtungan Janggardan Sol amang saring dunglen yereten, do GAMANGtungan amang saring abo er marid janggardan yerre, anin a d’ong galaih piyaihge abme-eten” (1 Samuel 16:14). Angante kan ambrij a janggardan yirtai mandran amangban, dile ayam a j’en kalkal dete, bo baran asan, do anin ateng dukkadate a je-lingan. aumdrengben kun ambrij a janggardan, amben Kitungan batte arberben dete do mandranji batte do ayernaben dete tanimyim-lingan.

Anlen janang kznoltabe janolda janggardan 1 Raja 22:22. Mandranji kan ambrij a janggarda-lingan dakuji, kuddub a bara-linganji joldatenji. Anin dile ayam oganditeji yangam mandran a d’ong a joldai gamle? Janoldan batte yangam lebun hangai gamle? Kun kudduban a janoldanji hangdrangan adtie, bindo kan batte dile ayam abmele j’e-lingan dakuten abasudale. Jznjzn-murdage Kitungan a suyeman asaiben do kan ambrij a janggardan  do pintu.

Ateng er marid janggardanji daku janggardaadaage amandrengna abs’idben abmele, erszn a janggardan (Jisaiya 19:14), dimadnan a janggardan (Jisaiya 29:10), ertu’ulan a janggardan (Luk 13:11)…. Amdungba kan ambrij a janggardanji. Kitungan ahim-lingan gonba, do kuddub-lingan Anin d’ongben anabdaina tiyte.

Okiy Kinolbe absele: “Bindo anlen ordaran a janggardan er hanang, osantan Kitungan amang saring a delen a Janggardan na anlen hanglabe, yarte – gamle Kitungan batte itente dong-len abasuyemle taniyan dele,ant:ate anlen rapti galamtabe” (1 Korintian 2:12).

Leave A Comment

Your Comment
All comments are held for moderation.