Jul 16 – THAJARIBA MI!

“Thajariba mahakna hathu hathu thabak touroi.” (Isaiah 28:16).

Thajaba haibasi misak amagi damakta yamna maru oiba lamchat sajat amani. Christada mapum phaba thajaba thamliba misak amana keidoungeidasu  pakhatpa, langtaknaba natraga hathu hathu thabak touroi.

Nasana nasada thajaba thamba haibasi maru  oibani. Iswarna nahakpu keidoungeidasu thadokpiroi haiba asisu lengdana thajaba thamgadabani. Iswarna mapum phana thajariba mahakpu keidoungdasu ikaiba nanghalloi.

Hou jikkangi matam asida mibu kihanba , pakhat hanba thoudok mayam leire. Satanna Thajaba singgi punshida akiba, chingnaba anaba, accidents mayyam thok handuna maithiba pokhanduna Thajaba singbu wahalli..

Yamna chaokhatkhraba lalom itik amabu khanghoudana turaktuna amangba kaya purakkhi. Achouba accidents   thoktuna nungshiba singga kainahalli. Eikhoigi imungda aaba anaba kaya lakpa matamda eikhoigi ingthaba adu mangi. Adubu nahakna keidoungeidasu hathu hathu   thabak touroigadabani. Nahakna Iswarda ngajaduna nahakki thajaba phongdoklabadi madugi awaba thoudoktu nungaiba thoudok onthokkani. Mi mayamna masigi athuppa wari asi khangdana leibasi nungaitabani.

Israel machasingna Prabhu amadi Moseski maiyokta murum murum sonba matamda Mosesna hathu hathuna thabak tourammi.  Madugi maramna mahakna Iswarna piramba yathang nungjao aduda wa nganggadaba adu laithoklamduna nungjao aduda cheina anirak kallammi.

Aduga mahakna hathu hathuna thajadaba gi wa ngangduna asumna hanglammi, “ Iswarna nakhoigi damakta masigi nungjao asidagi ising puthokkadra? Iswargi thamoi adu asukki matik soklammi. Aduga madugi  thabak ki maramna  Mosesna wasakpiba lam aduda changba ngamlamde.

Eikhoigi Prabhubu yonthokpiba ahing aduda leisabi minai amana hangbada Pakhonchatpa Peterna Prabhugi sebokni haiba adu haidokpa ikaiduna thamoida niklammi. Mahakna masana kari touri phao khangba ngamdaba makhei mahakna Prabhu phao serap pirammi.s aduga aroibada mahakna thina kaplammi.

Hathu hathu touriba thabaksing asigi mahei di yamna nabani aduga maduna nahakki thamoida mangba yadaba dakpham su thamba ngammi. Nahakna hathu hathuna leiraga achumba warep keidoungeidasu louba ngamloi. Thajariba mahakna keidoungeidasu hathu hathu thabak touroi. Nungjao mathakta yumn sariba mahakna keidoungedasu hathu hathu thabak touroi. Iswargi machasing, nahakna nahakki punshi adu Christagi mathakta chet hankhrabani. Nahaka keidoungeidasu lengba yararoi.

Dhyan tougadaba, “nakhoigi thamoida langtaknaba touganu,Iswarda thajaba thammu,eingondasu thajaba thammmu.” (John 14:1).