No products in the cart.
Jul 12 – HIMMATH LELA
elimchurchgospelMark 10 :49 Yesu Hubaran – vona BALAVO kan KO, Vo vu andhena balan himmath lela, voot, thon balarocha kan ke
Himmath lela kan kejako Yee agediyar vathevo vu andho Barthimayir dallema khushi joren dethanu bharosethi bharago. Mar nazaren paluchu kan viswaser nireekshana palido. Hannuj asso vathevuthi yek viswasi Christhu dajako jorethi joreya vejayeja.
Moser pacha Yehoshua Yisraelevalen chalayena Devaj tallidojako vona 7 deshevur 31 rajevun jeethan chalayena sada himmathethi bhardino. Jethij Mosen Dev Dimovupadesher grandh 34:9 vachanema Yehoshuana vor vadithi vu bachaner jag Canaanema jeyena taallidocha kan kethanu vor vumpar Mosey hath meler sath vu Yehoshua Gener Athmathi bharago. Hava Dev vor sevakevun himmath devalo cha
Demo Dev vor sojavuthi himmath devalo cha kan Hebrivalun 1:14 vachanema dekacha. Daniel 10:19 vo Daniel Dever vadithi jorya joryathi Dever premer beta chi kan soja ko.
Theenmo apaner bhayivuthi himmath devalo cha. Geeder grandh 133:1 bhayivo bhalan yek jag rero ghano ashis kan dekacha. Katho Devema ayejako seji bhaipanar nai vejavacha. Yeshaya 41:6 vachanema yeken yek bhayir nai prem karan thu himmathethi renu kan bharoso devaler dakal renu.
Hebrivalun 2:11 athra himmather joren devalo apaner Prabhu Yesu moto bhayir cha.
Akharima Yesu Christhur siluvar thyagamethin himmat palacha. Yesu Christhu vor doi hathen siluvamathi laambo karan thona premethi balarocha Mar dai aajo thona himmathethi bharuchu kan kerocha.
Ajji jada dhyan Karen pado 1 Samuel 30:6 David vor Dev Prabhuma joren palido.