Jul 10 – TAI JUN KOI!

Psalm 71:17-18 O Isor, Apuni pora ami ke shikhai she ami chutu thaka homoi pora; aru aji laga din te Ami koi Apuni laga achurit kaam khan ke. Itya jitya ami bura hoishe chuli boga, O Isor, ami ke phelai nadibi, apuni laga tagor ke nakoa tok itya laga manu khan ke, apuni laga shakti sob manu khan ke jun khan ahibole ase”.

Itu kandi ke koa laga prathana hi thakishe raja David laga ki tai kobole lagishe Isor laga Tagot ke tai khan laga pidhi ke aru Isor laga shakti ke sob manu khan ke.

Jitya Isor Jisu niche te ahishe prithibi te ekta manu laga roop loi kene, Tai prachar korishe subhsamachar ke dukhiya manu khan ke.(Luke 4:18) aru prachar korishe bhal kotha khan dukhiya khan ke (Isaiah 61:1). Tai jaishe jongol te aru prachar korishe rajyo swarg laga. Tai ekta nau te jaishe aru prachar korishe subhsamachar ke. Tai jaishe gaon khante aru nagar khan te aru koishe manu khan ke rajyo swarg laga. Aru Tai swarg te uthi jaa pichete, Tai laga chela khan koi kene aru prachar kori kene berai subhsamachar  ke bishi utsah pora.

Ekbar ekta naukar Isor laga, khotom korishe tai laga kaam ke pardesh jagate, tai tinta flight lobule lage tai laga ghor ke pongchibole. Tai prathana kore inika: “Isor, ami laga poila flight te, ami prathana koribole paribo lagibo changai dibole bimar khanke. Aru dusra fight te, ami kobole lage kunuba ke Pobitro Atma pora chuni loa ke, aru jitya ami kori kene hoi, ami ekta bhal ahram pabole lage tisra flight te.

Tai laga flight te, ekta buri maiki phuli kene aru patti lagia kene tai laga hath te, tai laga usor te bohi she. Itu Isor laga naukar taike Jisu laga kotha ke koi- Isor jun hi changai diye, aru subhsamachar kobole shuru hooishe. Aru tai jitya prathana ke kore, Isor pora achurit kaam ke kore aru utu maiki tu changai pai.

Tai laga dusra flight te, ekta maiki tai laga usorte bohe aru tai ekta pendant lagai thake kopou laga akaar te. Jitu homoi te utu Isor laga naukar pora dikhe, tai jane ki Isor pora tai laga prathana laga jawab di ase. Tai shuru kore utu maiki ke koth akobole, itu kopou laga kotha ke koi kene, juntu pobitro atma laga china ase. Aru olop homoi te, tai  chuni lo ate taike ani bole parishe. Tai laga tisra flight te, tai laga usorte thaka laga seat tu khali hi thakishe aru tai najani kene hi ghumabole hi parishe aru bhal pora hbi ghor pongchishe.

Isor laga bacha khan, jitya apuni ekta gehra icha thake apuni laga mon te Isornimite kaam koribole, Isor pora hosa bi apuni nimite dorja khuli dibo aru dibo apuni ke notun kaam diye. Toh ekta taan faisla  koribi apuni laga mon te itu kobole Isor laga tagot aru shakti Isor laga sob manu khan ke jun khan ke apuni lok pai.

 Aji bhabna koribole laga pobitro koth tu hoile 2 Timothy  4:2 prachar koribi Kotha ke! Tayar thakibi itu mausam te aru mausam laga bahar te. Manabi, gali dibi, khata pora kobi pura deri laga dukh ke loi kene aru shikha ke.