Appam - Soura

Jul 10 – Butente Abpingbate!

“E Kitung, Aman d’ong-hen parasij-hen saring hanangan tiylih, bar namintan hen rubmang lanum-Namji opungtai. E Kitung, nami hen talaibalih do u’u-hen bauaile, d’ong-hen umdrengdongih. Ranadu-Nam do ranapti-Nam a yertaian arsangkud a udlengonanji a d’ong hen abpemengtaien sikkoi ja Aman hen ampara daku na” (Sanenken 71:17-18).

Rajan Daudo agarberan edanan batte daakule Kitungan aranptin ardutaih ayam-lingan gadlanben abmele dile mandranji amangba. Angante Kitungan Jisu mandran hildamlen ordarban yiraiten, Anin bangsa anoblingan oblingle banagimaranji amangba (Luk 4:18). Do banaginji amangba oblinle (Jisaiya 61:1). Anin a rznrzn darakunaba yire do Ruang rajaman abmele hanangan tiyle. Anin bungsangban yirre do bangsa anoblingan oblingle. Anin dile gorjangban yiranyirre Kitungan a Rajaman abmele gadlamle. Atiki ruanganba dayerre, a hanangna maranji bangsa anobling oblingleji, barij tiydamna batte.

Bo dinna Kitungan a boantan, bo bigarda disan lingan a baran tabkudle, ayarnaben abmele yagi endasingan hamben dakule. Aanin garberlen kan ambrij: “Kitung, aparamangtan aendasing, hen garberben dete asumaranji abmele. Anab-bagu endasingan-lingan, Marid Janggardan abmele oblingben dete do angaante hen ontungtai, hen dimadnaben dete anab-yagi endasing-lingan”.

Anab-boi endasing-lingan, aboi talaibabojan dakule boi boi bimbim-lingan, kun tonanan amangban goble. Kitungan a boantan Jisun abmele – Kitungan absamangte, do bangsa anoblingaan abmele gadlamle. Anin garberneten, Kitungan rubmangbaran lumle do kun talaibaboijan samangle kun kanalkalan saring.

Anab-bagu endasing-lingan, bo inslobojan amangba goble do anin itente jzjzanjzlen goble. Kun ayamlen Kitungan aboantan gijle kun ate, anin galamle Kitungan agaarberan amdangle. Kun inslobojan batte arberben asan susule, paruan abmele, itente Marid Janggardan gadlamte. Do asui ayamlingan, anin abtagorlen marid janggardaban. Anab-yagi endasin-lingan, amangban butejan adakuad do bangsale dimadle iteja erdelabe, do bangsale ardule asinban.

Tanahimdam Kitungan a onagji, angnte amben aogandite Kitungan abaran alumben abmele barij j’eben batte, Kitungan sanangan rite do royongan tiytaben. Anten asan, barij j’eben batte surpiddamnaba do barij ranaptin batte Kitungan aranaptin sanle itente alumte alumben dete.

Okiy Kinolbe absele: “bernan oblenga, royongan adnang, er royongan adnang umengle bara a. Barij sanayen do hanangan batte tungjengle abdusa-a, kaih-hanghanga, abumenga” (2 Timoti 4:2).

Leave A Comment

Your Comment
All comments are held for moderation.