Jul 09 – GALTI NATHAKA!

1 Samuel 26:9 “nakoribi kkhotom taike; kilekoile kun pora hath age koribo paribo tai laga kilaf te Isor pora chuni loa laga, aru hobi galti nathaka?”

David ekta drishti dikhishe. Itu karone tai nijor laga hath ke khara koranai Saul alag khilafte, judi bi Saul pora tai ke bisari thakishe jongol te. Saul ke Isor pora chunishe poila laga din te, aru itu hi thakishe prothom karon kile David pora taike lorai koranai.

Saul tu thakishe jongol te David ke bisari kene taike maribo nimite aru ghumai jaishe rati te. Abner, junhi tai khan sipahi laga commander thakishe, jun hi tai laga raksha kuribole lage, tai bi ghumai jaishe. Aru duijon ke bi david pora dikhishe aru tai khan bachibole laga rasta thakanai. Titya abishai pora david ke koishe, “Isor pora dishe apuni laga dushman ke apuni laga hath te aji laga din te. Itya itu karone, morom pora, ami ke ekbar jathi pora maribole dibi taike, sidha prithibi te ; aru ami dusra baar taike namaribo!”

Aji laga din te bi, bishi manu uthe jun hi apuni ke girabole kore ekbaar pora, Isor pora chuni loa khan ke. Tai khan najane Isor laga kotha ke aru iku drishti bi nai ji pora tai khan ke dikhai. Hoilebi kilekoile david tu ekta Isor jana manu thakishe, tai pura sidha thakishe Isor laga mon logote aru pura jani thakishe Isor laga kotha khan ke.

Itu karone David koishe: kun pora hath age koribo paribo Isor pora chuni loa laga khilaf te, aru thakibo galti nathaki kene? Ami khan dikhe thik david laga bhabna Saul ke jokhom nakoribole. David itu bi koi: “Isor  maaf koribi ki ami hath age koribo lage khilaf te Isor pora chini loa ke. Hoilebi, lobi itu jathi aru pani laga jug ke juntu tai laga matha usor te ase aru ami khan ke jabole dibi.” (1 Samuel 26:11). Apuni bi nika drishti ase apuni bhitorte? Judi apuni bi inika drishti ase Isor pora chuni loa naukar khan nimite, tinihoile Isoxr pora apuni ke bi uthai dibo achurit aru tagot rakhi kene.

Utu laga homoi te, Abraham bonaishe ekta dhip aru rakish khori khan ke milai kene; tai Isaac tai laga chokra ke aru dhalishe utu dhip te, kori laga uporte.a ru Abraham phelaishe tai laga hath ke aru ulaishe ekta chaku tai laga chokra ke maribole. Olop homoi hi thakishe Isaac moribole laga. Swarg jitu chup thakishe iman deri tok, itu ke bardasht koribole napara hoishe. Aru Isor laga duth pora Abraham ke matishe  swarg pora aru koishe: “nadhalibi apuni laga hath tai uporte. Itu bacha Abraham laga ase aru Isor pora chuni loa laga ase jun hi ekta bura baba hobo.

Jitya ekta baba bi iku hak thakanai tai laga hath phelai kene nijor laga chokra ke morabole, tini hoile itu iman hosa ase ki kun bi inika koribole naparibo biya koribole Isor pora chuni loa khan laga uporte. Swarg pora itu kitya bi hobole nadibo. Isor laga bacha khan, kitya bi mukh nakhulibi biya laga Isor laga manu khan laga khilaf te.

Aji bhabna koribole laga pobitro koth atu hoile Romans 8:33 “kun pora Isor pora khara kori diya khan laga khilaf te? Itu Isor hi ase kun faisla koribo.”