Jul 04 – THARASEVALO

Darshaner grandh 22:17 Athman navleri- aakan kerecha,saamlevaloyi aakan kenu ,tharasevalo aayeda ,asaavalo jeever paanina phokataj leleda.

Bibilema lakkamelejako akharir grandhema  Athmathin navlerithi yek premer aahvana dekacha. Hava Juno karareran Navvo kararer bhakthidhar ajji 4 Jeevarasivon 24 motevo sey Dever sojavo bhalan yeej thara ahvan dethanu balarecha. Baper vadithi ashish pamelejako sen yee khushima paalcha.

Yee vachan hanu ahvaan dethanu mugasero ghano anandver khabar ! ajji Agadiyar grandhena Darshaner grandhena kathra jada pharak cha kjnika! Apan agadiyar Grandhema Adam Havvar bagey vanchacha. Vo kukan Pap karejethi Edoner bagemathi bhar kanaken vo paran mayi na javaju angarer thalvaren vo bakaler vacha Dev rakadnakocha. Katho Bhar dagarjo ken mugasajako Yee grandh Akharir grandh mayi aavo kan hamesha rer jagepar balayero kathra moto nasheeb malicha kunjka. Asal athra jada badalavni ven kai karan riya?

Hanu Devethi chetivegojako manikyan paran Devethi bhelan asmanethi heta aayo. Mathai 11:28 vachanema Yesu Baapu Masaj ghosathi bhari padmelejako thamsey mar dai Aavo Ma thamena haraamethi rakaduchu kan Premethi balarocha. Athrajkoni pan Vor dai ayevalen cheti kareniju vunder sath rethanu chodeniju chalayesaru yidek seri vasu Vor doi hathema siluvaper kheeley maralen apaner sam dekan aaj sada premethi balarocha. Jethin sari asmanema chajako Athman navleri- aakan kerecha. Yee balavni kunvatho Prabhur sam dekan vor saru tharsethi ghasan dekrechko vundervasuj.

Yee sari vachan vanchatho malam vacha kathra jada ashish melmelocha Prabhur saru tharasethi dekevalen. Yakobena Eshavun dekatho Yakobaj athara ashish payen karan Eshavun vethi koni vu tharas lapan Yakoben mar baper ashish mar biyyar motpan manna chavnu kan tharsethi ghasan von Prabhur namethi paldojen dekacha.

* Yee tharas Prabhur saru Eshavun vethikoni. Geeder grandh 42:1-2  Geed bolevalo kacha Khaliyar panivaas chithali haaraju,Dev mar athma thar saru asakarrocha. Mar athma Deveparaj jeevarojako Deveparaj tharsethi cha. kanna Mar Dever aanganema aan dakayu? Assa tharas thon sada ratho ajji thar daleer asan puro karan vu Prabhu thon sethi jada ashish karanakacha.*

*Aji jada dyan karen pado Yeshaya 55:1