Jul 04 – Butente Argaldate!

“Janggardan do sidrungboi gamteji, Iyaiba. Butente amdangte, anin Iyaiba, gamete. Butente argaldate anin iyaite, butente itsumte, anin asanggen mandrengnan a d’an ja-ete” (Anabpungge 22:17).

Atanukud bibolan akambo’l-lingan atanakud a tanuban, kan ataanimyiman batte ganudingan delai janggardan batte. Ajardinna, Papwr Anosaij-lingan abadlohim-maranji, Tabme Anosaij abadlohim-maranji, unji anganabdile janabanji, bokurdi-unji amayang-maranji do ateng Kitungan a pissirdianji bo surda janajan batte jataji. Aninji gudinglangtenji Kitungan U’an anabsittan batte, erahidan aman’oih ahangben asan.

Yang a bangsa kan ate bibolaan agudinglangtenan ate! yan a bangsa kan ambrij aparamantan akamb’ol do anabpungge akamb’olan! Aparamangta-lingan, anlen kinoltabe, Adam do Oban abmele Edon kutta-lingan abasulenji ate, do tette pandradan janang danakun dele aganleji adnang. Kan galamtabe aninji abs’idleji Kitungan atanurdun, do Kitungan aganugu. Bo surda danukkan mandran amang-ling susunan dele do banaiberan anappaih gijtabe ‘bayale yirra’ kun ate takudle do maan’oihan batte aganudingan ‘yirai’, gamle atanakudan ayam bibol-lingan. Bindo iten daku kan ambrij yaryarmanengban?

Kitungle Jisu Kristun ordarban labsolai, Kitungan atanurdun abmainaben asan, itente maandran abs’idle. Anin abawrle tanimyiman agaanuding, gamle: “E mannangga do lanagin maaranji, kuddub-ben mangba-Hen yeraiba, do Hen ablulunataben” (Mattiu 11:28). Anin janang szbdai-berle d’onglen akaridae gamle butente amangba yirtaji. Angante a d’ongan arakadang-lingan amdaileji, Anindaman tiydaamneten, bagu s’in aabdile, barij mandran ajaben asan. Anten asan barij ruangan, Janggardan do ganudingan dete.

Argalan batte butente Kitungan a d’ong saiteji aninji a d’ong ganudingan dete. angante amben a kinolte barij bibolan, butente Kitungan amang dakutenji amang-linganji anabsittan anappaihan dete. iten agaramgaman anabsittan Jakub do Esun amang-linganji? Jakub argalan batte saile Kitungan amangba. Anin apardionan abmele do a U’an anaabsittan ahangben. Bindo Eson adsaijad iteja.

Sanenken Daudo gaamle: “E Kitung, pargardaban karran argalan asan alod’an saijten ambrij, ma Aman abmele pwrarda-hen karran argaldate. Kitungan, Am’eng Kitungan apsele, pwrarda-hen argaldate; angan hen yerre Kitungan amangban ardutai?” (Sanenken 42:1-2). Tanahimdam Kitungan a onagji, bogad amben barijloge asailenden j’e-ben batte, argaldaaben Kitungan barijloge tiytaben, absittale abdainataben.

Okiy Kinolbe absele: “E anargal maranji, amben d’an adamban yeraiba; bar e lebun agassan a mandra, yerai, aman hia do juma! U u, iyai, er lebun batte do er janattin batte drakiyadan do arduban hia” (Jisaiya 55:1).