Jul 01 – Buten Gijte!

“Bindo hen ranoitad lingan mukka-Nam gijtai” (Sanenken 17:15).

Tetne gijtabe Daudo anindaman ansadamtenan ate bigardanji saaring do gadlamte a bernan batte itente a dirnan daku. Anin a itsuman dakule do a ronitadan gijte Anindaman ambrij Kitungan a d’ong.

Bangsa anobling maran DL Moody, bo inlon dakule ahiman Fanny Crosby, buten ateng ganalam dakule kristu-kznanji a kznben, kznknan kznle. Ateng kznkznanji gabdile kzneten. Do iten ate ersumdage dakule gamlenden anin aboi akardu dakule. Kun anin atigoi dakuleja, anin adukkadanad a j’e-lingan. Do akanznan batte ateng mandranji Kitungan amang anurungan dele. Anin dile ayam gadlamle daku kan ambrij: “Mand-hen riten angante ruangban hijte-gannai, do aparamangtan amandran hen gijtai mad-hen batte, tanimyimdam Kitung-hen. Kan ayam sikoija, hen tiydamlen dakutenai man’oihan batte Kitungan a mukkaban, mad-hen batte anogande”.

Bo dina DL Moody bo onlaa mar-lingan a d’ongan gudingle kznknan a kznben asan surda soba-lingan, anin kznle kan ambrij: Rupa-dinanji aldunte, do hen buteja adgalamaji kanznan;  Bindo angante ditenai butete m’oihte rajan amangba! Do hen gijtai armukka armukka, do oblingtai bernan, asuyeman hangtai. Do engale anin kznkznan kznle, Kitungan atanimyiman barijdele do edanan susuleji kun amanengba.

Kan ate ajardinna Kitungan a onanji Kitungan Jisun a d’ong gijle rabteteji, aninji amukkanji banandan dele do aninji anindaman ambrij barij m’oihleji. Yan a bangsa kan ambrij Kitungan a gijben, ganugun batte, ruangan angante taakudte ordardage amandrengna. Bibolan gamte: “M’od-benji rajan a lananggan do sangai sikkoi ja hare dakuten a desan gijteji” (Jisaiya 33:17).

Anappai Pol kun a dinnan abmele gijgijle dakule. Anin gamle: “Iten asan gamlenden nami taragijna lingan er paledge anlen gijtabe, bindo selettena mukiian do mukka-len argijtabe. Nam1 hen mittub galamtai, bindo seletten engale janardin abmele derderten; Kitungan barijloge galamihten, ettele na barijloge galamtai” (1 Korintian 13:12).  Tanahimdam Kitungan a onagji, itsumben daakupo kan ambrij atiydamna? Kun a dinnan abmele omdile daku po?

Okiy Kinolbe absele: “E timyim maranji, nami anlen Kitungan a onanji na, do ibente anlen a julu lingan detabe, antate endrang panunggen de-e, bindo Anin panunggen a deten adnang Anin ambrij anlen detabe, gamle anlen a galam, iten asan gamlenden, engale Anin daku, ettele anlen Anin a d’ong gijtabe” (1 Jon 3:2).