Jan 29 – AZAADI JUNTU HARISHE!

Exodus 3:14 “aru Pormeshwar koishe Moses ke, “AMI ASE JUN AMI ASE”. Aru Tai koishe, “itu karone tumi kobo bacha khan ke Israel laga, ‘AMI ASE pora pothaishe tumi ke’”.

Israelites jun khan niche te thakishe bandhi laga Egypt te, char sau aru tis saal nimite, thakanai iku hathyar judho nimite. Tai khan iku avsar thakanai jhujibole sena khan ke Egypt laga Pharoah laga; na tai khan thakishe tagot nahoilebi chal lorai koribole khilaf te tai khan laga. Tai khan bandhi kene thakishe aru iku azaadi thaknai tai khan laga nijor kaam aru icha te.

Hoilebi pharaoh ke thakishe dangor aru tagot sena; aru thakishe bishi salhakaar, buddhi manu aru jadugaar tai ke salha dibole. Utu hisab te, kinika bacha khan Israel laga lorai koribo khilaf te Egypt laga,a ru azaadi dibo nijor ke itu bandhi pora? Toh, khali hathyar juntu isor pora dishe tai khan ke thakishe khun Paar kora Memna laga. Itu hathyar korishe duita saman khan ke Israelites nimite. Poila, itu pora dhakaishe aru bachaishe sob porivar khan ke Israelites laga. Sob ghor khan juntu thakishe khun memna laga lagaishe dorja laga khuta khan ke, utu ghor khan bachi she mrityu laga duth pora.

Utu iki homoi te, ghor khan juntu laganai khun ke memna laga, isor pora marishe poila jonom hua khan ke utu porivaar khan ke aru sob poila jonom tai khan janwar khan laga. Hosa bi khun memna laga khali bachai diya nahoi; hoilebi kaam kore ekta tagot hathyar nishina judho laga. Kintu hathyar khan ami khan laga judho laga nahoi gau laga hoilebi ase isor te tani kene anibole tagot pora dhuri thaka khan ke. Pobitro kotha te koi, “aru tai khan jti bo parishe tai ke khun pora Memna laga aru byko pora tai khan gawahi laga” (Revelation 12:11).

Kun khan khara korishe khilaf te apuni laga? Kun khana se utu pharaoh khan? Kun khan ase biya khan? Kun khan ase jadugaar khan? Kun kun hoilebi, bhoi nakoribi; nakapibi, hoilebi lobi khun ke isor Jisu laga juntu tai phelaishe Calvary laga Kruste.

Aru chirkabi utu kimti khun ke, shaktishali khun ke sob dushman khan te jun khan khara kori ase khilaf te apuni laga. Itu hosa bi khai dibi jui nishina aru hangai dibo sob apuni laga bandhi khan ke. Sob apuni laga khilaf te thaka khan hari jabo. Aru isor proa dibo apuni ke hobdo aru budhi ke juntu kun bi apuni laga khilaf te thaka khan mana koribo naparibo nahoilebi phelabo naparibo. Tai pora bhorta koribo apuni ke Tai laga Shakti logote aru cholabo apuni ke tagot pora.

Khun logote memna laga, tai khan khali azaadi pa nahoi Egypt laga bandhi pora, hoilebi tai khan khotom kori dishe Egyptians khan ke aru loi loishe tai khan laga saman khan ke sona, chandi khan. Bandhi hoi thaka tu thakishe cahrsau aru tis saal nimite, ahishe hekh te ek din pora, khun pora utu paar kora memna laga.

Bacha khan isor laga, Isor Jisu ase tagot bhangabole sob bandhi khan ke paap laga, Tai laga kimti khun por aru  dibole pare apuni ke sob ji apuni hari loishe.

Aji dhyan koribole laga pobitro kotha tu hoile Ephesians 1:7 “Tai te ami khan ke ase paritran Tai laga  khun dwara, khemai paap khan laga, hisab te dhon laga Tai anugrah laga” .