Jan 29 – Anuran S’idle!

“Seletten Kitungan Mojes a d’ong gameten, Hen Butente Daku, antate Hen na Daku. Bar Anin gameten, Ettegoi na aman Israel maranji a d’ong gama, Hen Daku, gamle Anin d’ong-hen mangba-ben appai-ihten” (Hanagod 3:14).

Bogad amben hadabloge asayelenden, amben hadabloge do barijdam adete er asuilabe adea kani na ate Kitungan ajanzbjzb beran. Aboi sannasijan konkonrdin aon hangle, jajingante a denna atiki, kun paparan konkordin gadile do oskaineten aengben asan. Aengben apsele osengdage ted, bindo ateng ayam abmele saile dakunaben dete.

Angante konkordin radule aengben asan ateng sagai do oskaineten, kun sannasijang amang sanaih adakuad. Anten asan, anin baledan pangle arengan gadle sideten, itente aengben dakule. Bindo abumungdage, kun konkordin engle adraptiad a d’ongan alanangan batte ladgunle. Atanakud-lingan, muidanji hamleji a d’ongan. Kun sannasijan a u’an gamle a d’ongan, kun konkordin-lingan aranptin badturnaben deben dele aranptin agasa adelen batte. Anin oblingle yangam konkordin amandrengna-lingan kanalkalan yirrai, ajardin na sayamle adarinalingan.

Alanugan d’ongan abasuile engben dakule, Do Kitungan ansanabja lingan sanaih dakuleden kuddub dete. Sanaihna hadab baran tiyte. do Kristu lingan ahanaben asan sanayaman ahangte lanankaban saring. Sanaihna murdadam janggardadage amandrengna lingan. ateng sanaihna janggardan aj’on. Do Kitungan aitsuman manglingben j’on adakuben dete. ateng kanalkal-lingan asanaih batte erahid anabsittan pangtai mandrengna lingben. Betholiom-lingan bo birindan dakule (Anabpungge 12:11).

Ayengan a tanimyimdam Jisu Kristulen ate. kun asing-lingan saring lajar asulingan dakule. A tonanan apaiberle ayengan amandran “Gamangtung aman timyimte anin asu-lingan daku.” aninji ogandileji Jisun yirtai do absamangte gamle.

Bindo kun asun aurle, do kuddub as’ing-linganji garagandam takudle. Bar atanakud-lingan, kun bimbiman batte anin kadhidle. Kun ayamling janang, a tonanji ogandileji Jisu dayertai tarurtulungban ayam gamle. Bindo Jisun adyir-rai. Bindo Jisun betholimba yirai unji denna atiki, bar kun attabdong lajar adyarmengle. Kun asanaih do adinglen ate Kitungan ahiman anagugudele.

Kun sannasijang amang sanaih adakuad. Anten asan, anin baledan pangle arengan gadle sideten, itente aengben dakule. Bindo abumungdage, kun konkordin engle adraptiad a d’ongan alanangan batte ladgunle. Do Kitungan ansanabja lingan sanaih dakuleden kuddub dete. Sanaihna hadab baran tiyte.

Tanahimdam Kitungan a onagji, amben asaihben dete do kuddub kanalkal-lingan do tanungjing-lingan saihben dete. angante dingte ayamling janang, asaihben detena.

Okiy Kinolbe absele: “Anin a tam bittidage asuyoman ambrij anlen anta tanimylm Mar lmgan Anin a mihaman batte tanandm manan, danusan a tanabmadan hanglabe” (Epissi 1:7)