Jan 25 – NOTUN MANU!

Ephesians 4:24 “Aru ki apuni lagai ekta notun manu juntu ke nirmaan korishe hisab te Isor laga, hosa dharmikta te aru pobitrota te”.

Aru Isor jun bonai sob saman khan ke notun notun saal te, diye Tai laga anugrah ke shikhabole apuni ke ‘lagabole ekta notun manu te’. Itu notun manu hi ekta ase junke nirmaan korishe hosa dharmikta te aru pobitrota te aru Isor nishina.

*Itu lagabole ekta notun manu te, itu zaroori ase ki apuni lagabole charibo purana manu ke. Itu Vishay te chela Paul pr likhe: “ki apuni chari dibo, juntu khan apuni laga poila laga adot khan te ase, purana manu juntu barhe bhrasht te thogai diya laga lobh khan pora, aru hobi notun atma te apuni laga dimag laga, aru taki lagabole notun manu ke juntu nirmaan korishe hisab te Isor laga, hosa dharmikta te aru pobitrota te” (Ephesians 4:22-24).8

Itu shabdh ‘notun manu’ laga matlab ase ami khan laga bhitor nahoilebi atmakarik manu ke koa laga. Jitya apuni prathana kore, porhe Bible ke, nahoile kore kaam Isor laga mantralay te, itu bhitor laga manu bone tagot aru shaktishali. Hoilebi jitya apuni kore paap ke, sob tagot aru shakti khotom hoi jai,a ru apuni kaam nathaka laga hoi jai.

Satan nahoilebi biya atma bhoi nakore apuni laga gau lagatgot ke naholebi itu prithibi laga dhon ke. Tai bhoi kore khali apuni aga bhitor laga tagot pora. Itu karone kile Chela Paul pora salha diye, ki apuni khan bi tagot hobole lage tagot Tai laga Atma te ami khan laga bhitor te. (Ephesians 3:16).

Ekbar ekta bura manu isor laga, koishe ki judi bi tai komjur aru tagot nathaka ase tai laga gau pora itu burha umor nimite, tai laga bhitor manu ase tagotwar aru khushi atma te. Ekbaar isor pora dikhaishe tai ke, tai laga bhitor manu ke. Aru tai laga anondo laga hisab thakanai jitya tai dikhishe nijor laga bhitor manu ke iman tagot thaka aru jawan aru itu chabbi Krista Jisu te.

Isor ghura homo te, itu bhitor manu hi bodli hobo Isor nishina te. Itu hi karone ase kle Chela Paul koi tai laga epistles khan te Colossians manu khan ke: “aru apuni lagaishe ekta notun manu ke jun notun hoishe budhite hisab te chavi Tai laga jujn pora taike bonaishe” (Colossians 3:10).

Isor laga bacha khan,a mi khan laga gau aru khun kitya bi napabo rajyo swarg laga. Khali ami khan laga bhitor manu hi pabo swarg rajyo ke. Itu karone, itu mehetvapurn ase apuni laga bhitor manu tagot hobole Tai laga tagot te. Nabi Isaiah pora koi: “uthibi, uthibi! Lagabi apuni laga tagot ke, o zion” (Isaiah 52:1).

Aji bhabna koribole laga pobitro kotha tu hoile Ephesians  3:16-19 “ki Tai pora dibole apuni ke hisab te dhon khan laga Tai laga mahima laga, hobole tagot thaka Tai laga atma pora bhitor manu te, ki Krisat bi thakibo apuni laga mon te biswas pora ki apuni pura koribo bharpurn te Isor laga”