Jan 20 – SONMAN JUNTU HARISHE!

Isaiah 16:4 “kintu dabai kene rakha khan ase hekh te, nash khotom hoi jai”.

Sob jon jun kuchis kore hani koribole dusra itu prithibi te. Jun khana se tagot kuchis kore daba bole komjur khan ke. Dhon khan dababole kore jun khan ase dukhiya. Aru porha likha khan cholai tai khan laga gyan ke hani oribole tai khan ke jun khan nai porha likha. Utu saal khan te jitya Israelites khan thakishe Egypt te, kaam korfai diya malik khan dabai tai khan ke biya pora.

Ami khan itu bi porhe dabai diya atma khan ke Pobitro kotha te. Bishi baar, ami khan laga atma khan ke dabai samasya khan pora, akela thaka pora, bhram pora, dukh aru bikha khan proa. Bishi samasya khan ke dikhe hamla kori kene ami khan ke sob disha pora ekbaar pora; samasya khan berojgari laga; dhar pora; aru kotha namana laga bacha khan pora.a ru ami khan laga pura utsah itu pora tani loi jibon laga.

Jitya raja david jaishe inika chinta laga poristithi te, tai jaishe siddha majudgi te Isor laga aru anurodh korishe tai laga mamla ke. Tai hudishe isor ke, “kile apuni ami ke pahorishe? Kile mai jai matam manabole kilekoile itu dabai diya pora ami laga dushman pora.?(Psalm 42:9).

Ami khan sob ase bishi dushman khan; jun khan ase khilafa te ami khan laga iku karon nathaki kene;a ru tai khan jun uthe khilaf te ami khan laga iman labh pai kene bi. Isor Jisu bi itu hi koishe “ekta manu laga dushman khan ase tai nijor laga  ghor manu khan”

Ami khan bi jhuje khilaf te niom khan laga, Shakti khan laga aru khilaf te raj kori thaka andhera laga itu homoi  te, khilaf te atmakarik duth biya khan laga swarg laga jaga khan te. Satan  thake iljam lagai kene ami khan ke din aru rati te; aru tai ahe churabole, morabole aru khotom koribole.

Jitya apuni khushi hoi apuni laga lorai logote aru apuni laga dushman khan logote, sabi Isor Jisu ke. Tai ase jun apuni ke chutkara diye; Tai ase jun diye apuni laga mamla ke: aru tai ase jun lorai kore khilaf te apuni laga dushman khan laga. Aji bi Isor bhabna kori kene dibole ki dabai kene rakha ke khotom koribole, nash ke khotom koribole aru apuni ke dabai kene rakhan khan ke khotom kori dibole itu mati pora.

Tai hosabi bachabo apuni ke sob apuni laga dukh khan pora aru rakhibo apuni ke dnagor jaga te. Jitya bi apuni ase dabi kene kaam laga jaga te; nahoilebi apuni laga khandan majete, jani bi aru ahram pabi ki apuni ginti barhabo aru barhi bo. “hoilebi tai khan bishi hani hoi kene ase, jiman tai khan ginti barhabo aru barhibo” (exodus 1:12).

Bacha khan Isor laga, iki jaga te jote apuni ke dishe sorom, Ios rpora sonman koribo apuni ke uthai dibo apuni ke iki jaga te. Tai pora tayar koribo ekta barakhan nazar te sob apuni laga dushman khan laga aru abhishekh koribo apuni laga matha ke tel logote. Jun khan dabai she apuni ke hobo dabi kene.

Aji dhyan koribole laga pobitro kotha tu hoile Isaiah 53:7 “tai ke dabi she aru Tai hani hoishe, hoilebi tai khulanai Tai laga much; Tai ke loi jaishe ekta memna kati bole nimite,a ru ekta bhera agete tai ke charai thaka laga ase chup, toh Tai khulanai Tai laga much”