Jan 08 – PRATHANA BISWAS LAGA!

Mark 11:24 “itu karone ami koi apuni ke, ki saman khan apuni mangilebi jitya apuni prathana kore, Biswas koribi ki apuni pabo itu ke,aru apuni pai jabo.”

Isor Jisu korishe bishi chamatkar khan ke Tai laga mantralay laga din khan te. Jitya Tai laga Shakti thakishe mukhya karon inika chamatkar kan nimite, tai hodai hi dhyan kore tai khan laga Biswas te. Tai koishe, “aru ki saman khan apuni mangile bi prathana te, Biswas kori kene, apuni pabo” (Matthew 21:22).

Tai koishe kissa khan te Pahar laga aru  Mulberry gash laga, dikhabole tai khan laga Biswas ke.

“kintu hosa te, Ami koi apuni ke, kun bi koi itu pahar khan ke, ‘hati aru jabi jhagor te,’ aru shankha nakore tai laga mon te, hoilebi Biswas kore utu sman khan te tai koa tu hobo, tai thakibo ki tai koile bi” (mark 11:23).

Isor pora koi, “judi apuni ase Biswas ekta sorso guti nishina, apuni kobo pare itu gash ke, “ulai jabi jor pora aru lagi jabi hagor te,’ aru itu pora kotha manibo apuni laga” (Luke 17:6).

Prathana khan Biswas laga pora dibo apuni ke ki apuni prathana korile bi. Itu pora bhangabo sob himina khan;a ru bonabo ian dangor samasya khan bi khara hoi thaka pahar nishina gayab hoi jabole. Ki ase napara laga manu karone para ase isor karone. “ judi apuni Biswas kore, sob saman khan ase para laga taike junk ore Biswas” (Mark 9:23). “aru itu ase jit ki jitishe prithibi ke-amikhan Biswas” (1 John 5:4). Apuni bi thakibo lage inika achurit Biswas juntu isor pora hunibo aru jawab dibo apuni laga prathana ke.

Isor saishe Centurion ke aru koishe tai ke, “jabi apuni laga rasta; aru jinika apuni Biswas korishe, inika hobole  dibi apuni karone”. Aru tai laga naukar changai paishe utu iki homoi te” (Matthew 8:13). Tai saishe utu maiki ke junke thakishe samasya khun jaa laga a ru koishe ta ke, “hobi bhal mon laga, suwali; apuni laga bisas pora bonaishe thik apuni ke”. Aru utu maiki thik hoishe utu homoi pora” (Matthew 9:22).

Ekbaar duijon andha manu ahishe Isor te. Jisu saishe tai ke aru koishe, “ki apuni biswaas kore ki ami pare koribole itu ke?” tai khan koishe Tai ke, ‘Hoi Isor’. Titya tai chuishe tai khan laga suku ke aru koishe, “hisab te apuni laga Biswas laga hobole dibi itu apuni ke” (Mathew 9:28-29).

ekta maiki Canaan laga abhishe isor Jisu te aru kandishe Tai ke changai kori dibo le tai laga suwali ke. Titya Jisu jawab dishe aru koishe tai ke, “o Maiki, dangor ase apuni laga Biswas! Hobole dibi apuni ke jinika apuni icha kore.” Aru tai laga suwali changai paishe utu iki homoi te” (Matthew 15:28).

Ji bi apuni mange isor ke, mangibi tai khan ke pura Biswas te aru mani kene, iku shankha nathaki kene. Bacha khan Isor laga hobi bhorta Biswas pora; aru goshna koribi pratigya khan ke Isor laga Biswas te. Anugrah isor pora sonman koribo apuni laga Biswas ke aru koribi chamatkar khan ke apui laga jibon te. Barhibi aru tagot hobi apuni laga Biswas te.

Aji dhyan koribole laga pobitro kotha tu hoile John 20:31 “hoilebi itu khan likhi kene ase ki apuni Biswas koribole Jisu ase Krista Putro isor laga,a ru utu Biswas pora apuni thakibo jibon Tai laga naam te”