Jan 06 – NOTUN ROSI!

Judges 15:13 “aru tai khan bandhishe taike duita notun rosi pora aru anishe tai ke pathor pora”

Jitya Israel manu khan aru philistine manu khan bandhishe Samson ke, tai khan purana rosi bisaranai.tai khan bandhishe taike notun rosi pora; toh utu rosi khan thik thakibo aru nabhangibo. Hoilebi jitya Isor laga tma ahishe jor pora tai uporte, rosi khan norom hoi jaishe juntu jui te jule inika (Judges 15:14)

Isor bhandi ase ami khan kea lag alag kisim laga rosi pora juntu kunbi jolabole naparibo nahoilebi bhangabole naparibo; juntu morom laga ase. Isor koi Nabi Hosea pora inika: “ami tanishe taikhan ke norom rosi pora, morom laga bandhoni pora” (Hosea 11:4). Utu rosi morom laga iman tagot ase ki kun bi alag koribo naparibo  utu morom pora.

Bhabna koribi achurit morom Isor laga. Tai morom kore apuni ke poila apuni morom nokoora age pora. Apuni najana age pora Isor ke, Tai chunishe apuni ke morom te, aru bisari kene ahishe apuni ke. Apuni ke dhurishe norom mati nishina thaka te aru Isor uthaishe apuni ke rosi pora morom laga. Tai khara koraishe apuni ke pahar calvary te aru dhulaishe apuni laga paap khan ke Tai laga khun pora. Tai bondh korishe sob shikli khan aru shrap khan paap laga apuni pora dur, aru mukti diye apuni ke Tai ke aru Tai laga dangor morom te. Tai dishe ekta notun gana mahima laga aru bachai diya laga apuni te, Tai laga daya pora. Isor pora bonaishe apuni ke raja khan aru nabi khan Tai laga bhorta morom pora.

Jitya chela paul bhabna kore rosi te Krista laga morom laga, tai koi: “Kilekoile Ami manishe ki mora nahoilebi jibon, duth nahoilebi niom khan , nahoilebi shakti khan, nahoilebi itya laga saman khan nahoilebi ahibo laga saman khan, upor nahoilebi doh khan, nahoilebi kuntu saman khan ke nirmaan korishe,  naparibo ami khan kea lag koribole morom pora Isor laga juntu Krista Jisu tea mi khan laga Isor  te ase.”(Romans 8:38-39).

Isor jisu pora bachai dishe apuni ke sob bandhoni pora aru dukh khan pora. Utu homoi te, Tai bandhe  bi apuni ke Tai laga rosi pora morom laga, aru uthai diye apuni ke. Pobitro kotha te koi: “Tini hoile Gash khan kheti laga dhuri bo phal, aru pritbibi pora barhabo tai laga phal diya ke. Tai khan bachi thakibo tai khan laga  mati te; aru tai khan janibo ki Ami Isor ase, jitya ami bangai she bandhoni khan tai khan laga dukh pora aru mukti dishe tai khan ke hath pora jun khan tai khan ke bandhi bonai kene  rakhi asile. Aru tai khan shikar nahobo alag desh khan laga, nahoilebi janwar khan ,mati laga tai khan ke khabo naparibo; hoilebi tai khan thakibo bachi kene, aru kun bi tai khan ke bhaoi nakhilabo.(Ezekeil 34:27-28 )

Isor laga bacha khan, Isor nijor hi bangai dibo aru bachai dibo apuni ke sob bandhoni pora dushman khan pora. Tai pora bachabo apuni ke aru charibo apuni ke biya shakti khan pora aru shakti andhera aru jadu khan pora aru sob apuni laga shrap laga shikle khan pora.

Aji bhabna koribole laga pobitro kotha tu hoile Ephesians 4:3 “kuchis koribi rakhibole ekta Atma logote shanty laga bandhoni pora”.