Feb 12 – Bo Surda Dernan!

“Bar amandaman abmele do aninji a janumjuman abmele, kuddub janab janumjuman rukkule, mangba-nam dakkua” (Aparamangtan 6:21).

Aboi ataljingben a lippan ambrij, amben galamle araptite sonuman d’ongben kurte gamele! Angante aninji bibolan akuteji itente rabangteji antate kznolteji. Bo bernan daku ayengan amandran amndrengna lingan. Kitungan a itsuman saile. Amadan bondole, bibolan akudle itente rabangle antate anin kznolle. Anin rabangle Juda doidamneten gamle.

Aten saring okij kun mandran akudle gijeten. Do anin rabangle kan ambrij: “Yira do kan ambrij luma gamle okij anin kanina ambrij” (Romi 5:20). Lumle do bibolan akudle.

Barjanang rabangle kan ambrij: “amang itente lumte omeng luma gamle”. Kan ate aboi mandrandaman anogandi ayengan amandranji Kitungan aitsuman saiteji. Kikadage anogande batte. Kitungan a berna kinolba barij j’en batte (Romi 5:17).

Do barij monna do tiydamna batte. Eteden Kitungan d’ongben olangte bangsale. Do mandrengnalingben a lippan ahangte Gamangtungan a d’ong satta bantongba, bar barij j’e-benji batte (Aparamangtan 6:21).

Anin a d’ong janardi lingan gankilba. Anab-yagi lingan, amben Kitungan a d’ong gankilba banantongan batte Lippan a tanaran batte, kun batte amben galamle araptite iten ambrij asangem-tagoran. iten ambrij alumudan do iten ambrij atagoran kan ate gamle.

Banantongan batte Gamangtungan a d’ong gankilba; tanakaran batte Anin amangban erdikanaba. Buteja mandra bagu gamangan. Iten asan gamlenden bo bzgarda mandran a d’ong anin timyimte.

Ijjaden anin bo mandran a d’ong ganyimte, do bagarda mandran a d’ong puyingte. Amben Kitungan do lebun rapti aggangkile. Dile dinna amben pedde agijle torchon anbta’ar abmele. Kunilingan, kun atanaran batte kuddub lanumaudan sagaite. Iten detenben kun mandran etigoi lumud-lingan yiretenden.

Tanahimdam Kitungan a onagji, Pwrba ayamling Lippan dakulenden uyub mandran dakule. Tagorben agaja adside. Bogad kun torchon abpagetenden? Anin pedde kahidtaben ja’adja duletenden kun lumudlingan. Lippan dakuleden agalamben aberan (Jakuba 1:6).  Do j’engan adgalue do tagorben saring agaludong (Ebri 11:6).

Okiy Kinolbe absele: “Dernan batte Noa itente endrang gittae, antabmele Kitungan saring hanangkjlberan hangan bangle banantongan asan a s’ing maranji a d’ong a rabrabben apsele aboi d’asingan oskaile sabjaeten. Kuni a dernan batte anin ordar mandranji a d’ong abdusaeten, do a tam dernan ambrij ranoitadan a dame maran dele” (Ebri 11:7).