Feb 03 – VISWASEN MAANLERO

Hebrivalun 4:14 Asmaner vaat ven Gojako Dever beta, Yesu sethi moto Yajak Apanen chajethi, apan maanlidejema ghat Rema.

Apan maanlidejako viswas kasseko ko kan vu viswasema ghat hubaran rero avasyam kan herdemellenu. Yee vachanema Aposthal Paul Hebrivalun viswasen maanler bagey sikharocha.

Vorsaruj Hebrivaluthi pakadan Aposthal Paul sada, “Asmaner vaat ven Gojako Dever beta, Yesu sethi moto Yajak Apanen chajethi, apan maanlidejema ghat Rema” kan Apanen malam karrocha.

Prabhu Yesu jeevaner adhipathi ven cha. Vu Baper jamman pakthima bhesan apaner vasu araj karrocha jethij apan jayamer jeevanen banchrecha. Vu Prabhu apaner ghali araj karrocha jethij apaner sey bharina vor vumpar melnakeja. Yeej apan maanlenujako viswas.

Apan papen maanlacha lapan athra jada kaikoni. Kassen katho apan Hannu maanlajana apner sochema 1 Yohan 1:9 apaner papena apan maanlatho, vu apaner papena maap karan, soli bana niyathethi apanena pavithar karena vu saspaneran, niyathero cha kajako bachanen herdekarlacha. Athoi karajenaj pharan pharan hannuj papen karuj karacha.

Apaner viswaser jeevanema ken yee karuni kan maanlachako vona karacha, ken karacha kelachako, Vona kareniju remacha. Jethi viswasen maanlero katho kaiko bhuljarecha. Yersaruj apaner jeevanema jayam cheniju phaido cheniju cha.

Yek sippayi yudhama jarochkatho vor hathema dee thara ayudha dacha. Voma yek hathema jhaller daal. Vothi vairivur yeduru hubaran hubareja. Yee daalethi yekkaj jaanen jathan karlero hathayeni kassen katho vu vairivun marnakevasu thalvar Sada renu kunika. Hannuj apan papen yekkaj maanlatho dher kelenu koni. Lapan viswasen sada maanlenu.

Ajji jada dhyan Karen pado  Hebrivalun 4:15