JULY 09 – HEZEKIAH GI THAJABA YABA PUNSHI!

“He Jehovah, eina nangonda nonjari, eina nahakki mangda chumna amasung thamoi sengna chatkhiba amasung nahakki mityengda aphaba toujakhiba adu houjik ningshinbiyu.” (II Kings 20:3).

Ngasi asi ningthou Hezekiah gi  thajaba yaba punshi adugi maramda neinagadouri. Juda gi mathakta ningthou oina panbasinggi marakta mahakna tarahumdoi subani. Mahak masagi chahi 25 suba matamda ningthou oirakkhi. Judah gi ningthousinggi marakta khwaidagi  achumba touba amadi thajaba yaba singgi marakta mahaksu amani.” Jehovah khaktani eigi panggal” haiba asi Hezekiah gi mingggi wahandokni.

Ningthou Hezekiah gi thajaba yaba adu karino? Mahakna murti khurumbagi chatnabi adu thugaikhi aduga murti khurumbagi phankhongsing adusu thugaikhi. Moses na semlamba pithraigi lin adu Israel machasingna khurumbana maram oiraga Ningthou Hezekiah na madu thugaikhi. Mahakna achumba niyomda Iswar khurumbagi niyom sing houdokkhi aduga misingna Iswar adu achumba amadi thawaida khurumba yanaba lambi yatpikhi.

Madukhak nate mahakna chaikhaikhraba Israel gi mising adu amatta oina punshihankhi aduga makhoina Aranchak khangbagi thou adu numit 14 ni pangthokkhi. 2 Chronicles gi pandup 30 asida eikhoina yenglabadi mahakna Iswarbu kaya matik  chetna nungshibage haiba asi uba phanggani..

Sastrana hai, “  Aduga  Hezekiah na Jehuda pumnamak singthungna toukhi,aduga mahakki Iswar Jehovahgi mangda aphaba , dharmenchenb a amasung achumba adu toukhi.” (II Chronicles 31:20). Adu oirabaphaosu mahakna mahakki punshida awaba thengnakhi. Mahak sathiba laina amana naduna sigetourammi.  Isaiah na mabu anahangba chatlaga asumna haibikhi, “nanggi imung semgatlo,maramdi nahak siragani.” (II Kings 20:1).

Ningthou Hezekiah na masi tabada mahak thamoi kaikhi. Mahakna hairammi, “ houjik ningsing biyu, he Jehovah, eina nangonda nonjari, karamna eina nahaki mangda achumbada amasung thamoi tingna chatkhiba amasung nahakki mityengda aphaba toujakhiba. Aduga Hezekiah thamoi sokna kapkhi. (Isaiah 38:3).

Ningthou Hezekiah gi thajaba yaba aduna Iswargi thamoi sok hankhi. Hezekiah na punshi chupna kaya matik achumba amadi changkhon na hingbano haiba adu Iswarna ningsinglakkhi. Mahakna Hezekiah da haikhi, “ eina nanggi haijaba tabire, eina nanggi pirang sing adu ure,tasengnamak eina nanggi punshi chahi 15 sangdok hangani.” (Isaiah 38:5) Aduga mahakna mahakki punshi adu sang dok hanbikhi.

Nungshiba  Iswargi machasing, Iswargi mangda nahak achumba da leplabadi Mahakna nanggi haijaba tabigani. Mahakna nanggi pirangsing adu teithokpigani. Nanggi punshi adusu sangdok hanganil. Sastrana hai, Israel gi imungda nahakki lengdraba nungshiba amasung mahakki thajaba yaba mahakna ningsingbire, malemgi aroiba maphamda leiba pumnamak eikhoigi Iswargi aran khubam ure.” (Psalm 98:3).

Dhyan tougadaba: “ Adum oinamak eigi lengdraba nungshibadi seina mangondagi loina louthokloi, eigi thajaba yaba matam pumnamak soihalloi.” (Psalm 89:33).