June 06 – Daudo a Dirnna!

Gamangtungan ayengan a mandranji dernadage do roitaddam daku, aninji a d’ong uhulkuijan tiyte. Nami Gamangtungan d’ong-nam s’i-ling-hen surpideten, bindo hen Kitungan a jabboblen a rajan a d’ong er abs’zd” (1 Samuel 26:23).

Kitungan a itsuman a bojoraiben abmele Daudo dernadage dakule “Aman anin a d’ong abs’zddong. Butente Gamangtungan ansaneda rajan a d’ong”. Sol ansaneda rajan. Bindo anin Kitungan abirna amaniad. Kitungan Sol amang saring raja dane pangle do Daudo ad’ong tiybe itsumle. Bindo, Daudo Sol ad’ong manile do panemengan absuile.

Bindo, Sol Daudo ad’ong kadhiben asan saile. Agante Daudo tulablingan do lugarlingan solen, Sol a sanumaranji batte saile dakulenji. Bindo, bo denna, Daudo Sol amangba enleben raptite adimad-dale adnang. Anin kun amaneba saring yirle sidle, Sol amangba adakule a da’an do akadiban panle yireten. Anin Sol adong at-tuabad agante Abisaya Sol ad’ong abs’zdben oskaineten, Daudo gamete, “Aman anin ad’ong abs’zdddong. Butente Gamangtungan ansaneda Rajan a d’onglingan, do anin panadradan tiyte” (Samuel 26:9).

Daudo a derna a giyle batte, Kitungan a d’ongan absittale. Daudo dele denna ranadu lingan marangle. Hadab ayamlingan, anin rajaman a dane Sol atiki dane dele. Daudo ambrij dernalingan dakulebenden yan a banagsa! Kitungan ansaneda a boantanji a lanaka lingan ejaja a gamtong. Agaja s’iben atiridong a lanankalinganji. Bibolan gamte, “Kitungan a tanabngij maranji asanggem lingan buten rapti abdusate? Butente, roitad, gamle disamte, Anin Kitungan na” (Romi 8:33).

Butente Kitungan ad’ong timyimte anin agaja Kitungan ansanedan boantanji adanusa adsaije. Aninji bangsa baralingan abumengteji do kanalkallingan, er gadroilabe aninji abmele tudumle do garberben dete radudamlen hedanabatte. Yan a langa a derna Daudo amanglingan!

Solomon Daudo a derna giyle. Anten asan, agante a garberneten adnang, anin gamete, “Aman u’a-hen Daudon, boanta-nam a d’ong surda do er bananda asuyeman apsuile. Iten asan gamlenden anin temang-Nam janardi lingan, ranoitad lingan, do rojol-j’en batte haneten. Bar Aman anin apsele kan a surda asuyeman dakkule. Do kani dinnan anin a raja-garobgob lingan a gobben asan anin a d’ong abo onggeronan tiyle” (1 Raja 3:6). Tanahimdam Kitungan a onagji, Kitunglingan derna dagedakunaba. Omdrengba sanedan adelen aboantanji amang saring do Janggardan sanabyemlingan do lanagadlingan dakunaben dete.

Kinolbe absele: “Gamangtungan dernadage a mandranji a d’ong rabrabte, do kinsa maranji a d’ong dulpadradte” (Sanenken 32:23).