JULY 03 – Sabmongan Sabmongle!

“Bar anindam a kuddub mandranji a d’ong sabmongan sabmongle, gulji tara turkurdwble lemata lemata anin a buhang adamban ardueten” (Aparamangtan 33:3).

Bibolingan, anlen kinole gijtabe Jakub a mandrengna ling a kanalkal abirina. Jakub do Eusan labarda onanji dakule. Agante Eusan radu do bintamar dakule, Jakub ate lanagad do banudimar s’ingligan dakule.  Jakub salaki batte Eusan a karuku dane do u’an amang saring anabsitta panle. Banatongan batte buhang-hen tuabting gamle ogandile, Kun asan Jakub s’ihigan sadle sagai omdrengle yerle.

Ateng mihnum dele bagunji adnar-rabagadji. Nami Jakub a inslonji do mihgal-bo’oi a pasijangji. Anin amang ateng bitin dakule bindo buhangan a d’ong bangtogan bangtole anindaman kalakal yangle.

Agante Jakub amangling ejaja a gijta’ad kun ayam sattang Eusan mainaben dete gamle, anin dirgale yernaiten. Anin aboantanji, ajuntunji do a dukarinji do a passijanji batte Eusan amangba haling yerlinaji, banatongan batte ogandile pede Eusan d’ong-hen tuabting. Anin ateng batongle do yirben asan ja dalgale (Aparamangtan 32:7). Kun ayam anin Kitungan amangba gudinle. Anin garbirna susule. Anin Kitungan anablu do aranapti omdile. Yan a rumangdage dakule a garbiran!

A uggaran rile do garbirle, “Seletten Jakub garberre gameten, E uang Abraam a kitung, u’a-hen Issak a Kitung ……Aman kan boantan-nam a d’ong itente kuddub asuyeman do kuddub dernan apsuile, hen kuni lingan hangben tungna ted. Iten asan gamlenden danggudam-hen maih donsile, kan a alon padlai bindo nami hen bagu patsardi delai. Garbertam, buhang-hen a s’in saring, manan, Eusan saring d’ong-hen rabrabih. Iten asan gamlenden hen anin a d’ong batongtih. Udednang anin iyan iyle, d’ong-hen do yanganji ampara passijanji abs’zdte” (Aparamangtan 32:9-11).

Kun a garbiran aboi kayatih a garbiran ted. Kun ate bo radu garbiran dakule bo togal. Anin garbir lingan Kitungan a d’ong hamle dakule. Anin Kitungan amang saring ijaja a hang-geten sikoija garberling dakule.

Amben a galamte po garbzran a tikki iten dele? Anin, ayegan amandra marsambe yarlen, anin maruka haneten garbzran batte. Bibolan gamte,  “a d’ongji sabmongan sabmongle” (Aparamangtan 33:3). Oo. Kun agarbzran Jakub a d’ong radu abme’ete. Kun batte anin emdamnete do  Kitungan anin ampara daku.

Tanahimdam Kitungan a onagji, dirna batte kun ambrij a garbirlenden kanalkalbenji bananda dete.

Kinolbe absele: “Iten asan gamlenden sanaiyam-Nam batte sanu ompu maranji a tarangdi sanle hen rapti yzrten, do Kitung-hen a ranaptin batte hen kintalan rapti zrjabtai” (Sanenken 18:29).