JULY 02 – Abraam a Dirnna!

“Gamang dane mar-hen Abraam a Kitungan sanensenan de-ete. Iten asan gamlenden dane mar-hen abmele asuyeman do janardin apsuiben asan anga janang akkaddabad” (Aparamangtan 24:27).

Kitungan dirnnadam do Anin a mandranji janang dirnnadam deben dete. Kitungan Abraam a dirnna gijete. Kun ate aboi Kitung mananidage a dirnna. Agante Kitungan gamete, “Amandam a s’ing maranji do desa-nam bar u’a-nam a s’ingan omda-an omdale, Hen ayengan a desan d’ong-nam apsuitam, kun a desaban year” (Aparamangtan 12:1), Abraam manile do kun ate lumeten.

Yan a kanalkalan ambrij kun ayamling bogad a darakunaba a galametenden! Bo radu anabtagoran sanaisai padebading. Itendelija, Abraam Kitung mananilingan dirnadage dakule.

Agante Abraam a mandrengnaling giytabe. Anin a dirnna ugarlen rumangdate. Tinne surda a dirnna anabsujan dele, agante Isak a d’ong aboina a on’an dakule, Moriah baruba kanuban a kub-ben asan a on’an panle. Kunina ate Kitungan giyle do Anin gamle Abraam aman surda dirnna daku.

Tinne Elieser a birna bangsagam kinolba ayegan amandra Abraam asanayam-mar dakule. Anin gamete, “Gamang dane mar-hen Abraam a Kitungan sanensenan de-ete. Iten asan gamlenden dane mar-hen abmele asuyeman do janardin apsuiben asan anga janang akkaddabad” (Aparamangtan 24:27).

Kitungan sedale do Abraam a sanitta yarle, a birindaji saring a birindanji, a dirnna batte. Anin anabgugu batte Abraam a d’ong gudingle a d’ongdaman ‘Abraaman a on’an’ (Mattiu 1:1). Kitungan a bahimlanten dirnalenji ayegan amandranji dirnalingan dakuji.

Tanahimdam Kitungan a onagji, mangling-len Abraam daku jujulen ambrij. Amben dirna buhang tonananji a u’a gamle gudingle a raptite. Amben dane yangle araptite Abraam sandle. Kun batte, amben ja Abraam ambrij dirna-mar gamle danisaman dete. Ija po?

Kitungan agaja adnitsume bagu mona adaku a mandra, bagu mona do er-dirna-maran. “Gija, Aman along-uggar-ling-hen janardin saijte; Aman j’e-ling-hen banuddi-Nam hanghangih” (Sanenken 51:6) ganarbiran a sanenkenan gamle galamlanten. Garbirnaben ja enegoi de-ete!

Kinolbe absele: “Aman temang-ling-Nam anin along-uggaran a dernan gijle, bar Kananiyanji, Jebusanji, Girgasanji a desanji anin do anin a banar udlengonanji a d’ong a tiyben asan anin ampara analsibdaijan gabrile. Bar Aman berna-Nam abojoraile, iten asan gamlenden Aman roitaddam” (Neemiya 9:8).