Appam - Soura

JULY 01 – Bo Darakuna Lingan na Rukkuna!

“Ante saring Kitungan gameten, Riangan a jaitan kuddub d’an bo darakuna lingan na rukkuna do labon gittaete, gameten asan ettegoi na dele” (Aparamangtan 1:9).

Ganadelan ayam, aparamangtan sarin anab yagi denna, Kitungan kuddub d’an bo darakuna lingan na rukkuete do kun ambrij, Anin ranukkunji gutule do kuddub mandranji yante gamle d’an batte tabubda yangle rukkutenji. Tinne Kitungan anablu ayanglenji amandranji ad’ong, ranukuba amaina. Aparamangtan a denna panalidan gabdile kun ate anablu aramad. Anab bagu denna, d’an do riangan saring anansan ate bo aramadan tabubd’an do jznjzn mandrengna abmele. Kun ambrij, d’an a rukuna ranukun a rukuna a rabmadan.

Kitungan gamete dirna buhanganji do tonananji ad’ong aninji daman eradhanalingben maina tanudu lingan dakunaben dete. Kan ambrij bibolan gamte Kristu ababan do ranukunji ad’ongan. Amben ranukunji batte dakunabe dete ayegan aranukunji Kristun amihaman batte yanin dele do Kitungan a onanji rukunaben dete. Sanenken gamte, “Gijba, Kitungan a mandranji abo maina lingan anrukku a basutabenate yan a bangsa do yan a man’oihan” (Sanenken 133:1).

Janggardadage a rukuna jznjzn murda-dam Kitungan amangba anablu adelen a mandranji abmele. Bibolan gamte, “…..ettele anlen ablumbe, osantan dargam dargam-len a umengnaba….” (Ebri 10:25). Anappai maranji adnang, ranuku lingan ranadun dirnna lingan bar dile mandranji anablu yangle ranukuba yirleji. Atigoi ateng mandranji dirna lingan marangliji bar ateng pwrardanji kitung lingan dirlenji. Agale mandranji atengleji atigoi ranukunji ja atengle. Ordar lingan Kitungan a rajam ganutulan dele ranukunji batte.

Abamang, Israel a onanji a himling ‘rukuna dele’ ayengan a mandranji misor dessa saring tanandi deleji. Aninji ad’ong saneda deleji do ansadage Kitungan dakuete. Aninji Kitungan ate deleji do Kitungan aninji ate dele. Ategoi tangboi tangboi janatad d’an agale bo joda abmete, kun ambrij aboi dirna maranji batte bar birindanji batte bo janggarda-dage a ranuku abmete. Yan a ganugu kan ate Israel a rukkunanji lakie lakie ambrij! Aninji tanudu lingan bo arminji do janggarda-dage a ranuku ling dakuliji.

Ebri 12:23, anlen kinoltabe “….do ruang lingan ahimanji anidol delen a deba onan a ranukkun amangban”. Tanahimdam Kitungan a onagji, amben ranuku lingan daku bo ordaran a assemble arukuna ambrij do janggardan lingan aboi deleben. Yan a rumandage abirna kan ate aboi Kristu ad’ongan lingan!

Kinolbe absele: “Yante gamle ranukkun iteja adilan, ranabodan, orde ettegoi a danusan er dakulabe, osantan mariddam, do er dusadage dean dele Anin a temangdamadan ganugu panemengge, gamle rapti surpidte” (Episi 5:27).

Leave A Comment

Your Comment
All comments are held for moderation.

அன்பு தேவபிள்ளைகளே,
ஆண்டவராகிய இயேசுகிறிஸ்துவின் நாமத்தில் என் அன்பின் வாழ்த்துக்கள்.

அடுத்த வாரம், மே 28-ஆம் தேதி சனிக்கிழமை அன்று காலை 9.00 மணி முதல் மதியம் 2.00 மணி வரை பரிசுத்த ஆசீர்வாத உபவாச ஜெபம் நம்முடைய ஏலிம் மகிமையான எழுப்புதல் தேவாலயத்தில் ஒழுங்கு செய்து இருக்கின்றோம். அதில் அடியேனும் என்னோடுகூட தீர்க்கதரிசி வின்சென்ட் செல்வகுமார் அவர்களும் கர்த்தருடைய வார்த்தையை கொண்டுவர இருக்கின்றோம். நீங்கள் அனைவரும் குடும்பத்தோடு இந்த பரிசுத்த ஆசீர்வாத உபவாச ஜெபத்திலே கலந்துக்கொண்டு தேவனுடைய ஆசீர்வாதத்தை பெற்றுக்கொள்ளும்படி இயேசுகிறிஸ்துவின் நாமத்தில் அன்புடன் கேட்டுக்கொள்கின்றேன்.

இப்படிக்கு
போதகர் ஆஸ்பார்ன் ஜெபத்துரை
ஏலிம் மகிமையான எழுப்புதல் தேவாலயம் No.50, இரயில்வே ஸ்டேஷன் ரோடு, கோடம்பாக்கம்.

For Contact-
+919003067777,   +919884908777,   +919884916777