JULY 01 – Ekjaga te jama kurishe

Genesis 1:9 Itu pichete Isor koishe, “akash laga nichete thakia pani khan ke ekta jaga te joma hobole dibi tini hole mati Khan ulai kene ahibo.” Aru ineka hi hoise.

Sob banai thaka homoi te shuru laga tisra din te, isor tu sob pani khan ekjate jama kurishe, inika hi tai biswasi khan ke jama kure aru girja banai Jun hi pani logote baptisma loi. Jun hi bachi jaishe taike isor tu girja te jama kuri jai hodai din. Puhor tu isor para duniya laga poila din te banai she jitu ami khan ke mukti diye. Dusra din te, pani aru mati banaishe jitu pani para ami khan baptisma loi. Pani jama kura nisina ami khan biswasi khan bi ekjagate thakibo lage aru nijor nijor khushi Nakuri kena ek logot khara hobo lage. Pobitro kotha te jisu Krista tu matha ase aru girja tu tai laga gau ase koishe. Itu girja para hi ami khan Isor logote ekta hobo parishe aru ami khan tai laga bacha jisu laga khoon para hi hoishe.

Pobitro kotha Psalms 133:1 sabi kimanbi bhal dikhie aru kiman bi sundor dikhe jitya bhai kokai Khan eki logote mili kene thaki ase. Hebrews 10:25 eki logote mondirte lok koribole laga adatke charibole nalage, hoilebi kunba ineka koriase. Ulta, lok koribole nimite ekjon dusra jon laga mon dangor kori dibole lage, kile koile isor ahia laga din ekdom usorte ahishe. Poila laga din te girja khan Biswas te hi tagot thake aru isor para bi bachai di thake. Biswasi khan bishi hoi jai aru isor laga rajyo tu prithibi te dangor hoi jai.

Pobitro kotha Hebrews 12:23 apuni Khan isor laga poila bacha jonom hoa nisena khushi hoikene joma hoise, junkhan laga nam swargte likhikene ase.

Oh isor laga bacha Khan apuni Khan tu ekta biswasi hoishe aru itu Biswas loikene hi isor logote milishe.

Aji bhapna kuribo laga pobitro kotha Ephesians 5:27 ineka pora tai girjake sundor korise, pobitro, itu beya nai, eku dag nai, eku bhangia nai aru iku galti nai