June 29 – Swarg- Suru Kotha!

Genesis 1:1 surute Isor jitya swargkham aru prithibi ke banaisile.

Ami khan laga Isor tu alag isor khan laga Isor ase. Dangor Khan para dangor aru raja Khan laga Raja ase inika pobitro kotha para janibole pai, kile koile suru te tai para hi swarg aru prithibi ke banaise. Isor tu prithibi te ujala dibole suraj aru chand bi banaishe, inika hi prithibi te thaka sob saman dangor chutu sob tai hi banaishe.

Itu Isor ke hi Jisu para janai dishe swarg laga Baba koi kene new testament te. Isor-Baba tu old testament te tu hoile thakanai. Israel laga bacha Khan tu Isor ke morom thaka Baba koi kene najani thakishe. Bishi baar tu taikhan Isor ke hudai diya Isor koi kene hi jani thakishe. Mount Sinai te Isor ulai thaka tu bhoi laga thakishe, bijli mari aru dhunga kori kene sob jaga te.

Hoilebi new testament te, apuni Khan bi Isor ke morom kure aru ity tu tai ke Biswas kore. Apuni Khan taike morom thaka Baba mate. Romans 8:15 kilekoile Isor diya atma apunikhanke kun laga bi naukar nabanai aru apuni khanke bhoi lagibole nidiye; ulta itu atma apuni khanke Isor laga lora suali banai diye aru itu atma laga shakti para apuni Khan jehova ke hala kori kena “Promeshwar! Ami laga Baba” koikene mate. Tai tu hoile bi hodai din sob laga Baba hi ase ami khan Baba namata age para bi kile koile tai hi prithibi te sob ke banaishe.

Matthew 5:48 apunikhan thik hobole lage, jineka swargte apuni Khan laga Baba thik ase. Isor para apuni khanke sobse dangor banaishe prithibi te alag bostu Khan para. Tai tu apuni Khan ke tai nishena hi banaishe. Tai tu apuni Khan logote kotha bi pate pobitro atma para. Itu para hi apuni Khan ke sob bostu para ucha hoye.

Matthew 6:26, 31, 32, chiriakhanke sabi tai Khan kheti kam nokore, dhankhan joma nokore, hoilebi Pormeshwar para tai Khan nimite khabole pathai thake. Apuni khan chiriakhan porabo bisi dangor nohoi? Itu nimite ki khabo aru ki lagabo, itu bhabona para mon dukh kori nathakibi. Pagan jati khan hi ituke bhabona korithake. Swargte Pormeshwar janise apuni Khan itu lagi ase.

Aji bhabna kuribo laga pobitro kotha tu hoile Luke 11:13, apuni Khan biya manu hoile bi jani ase apuni Khan laga lora suali khan ke bhal Khan dibole lage. Tini hole swargte thaka Pormeshwar Baba pora apuni Khan pobitro atma mangise koile kiman bisi pora dibo.