June 26 – Tai dangor hobo lage

John 3:30,31 tai laga nam arubi uthibole lage aru ami aste aste haraijabole lage. Jun swarg pora ahise tai he sob pora dangor ase. Jun itu prithibi laga kotha he koithake, hoilebi Jun swarg pora ahise tai sob pora dangor ase.

Jisu Krista para dikhishe sob maiki khan laga bacha para b John the Baptist hi sobse dangor thakishe. Tai tu bishi bhal adot Khan thakishe aru nijor k nomro kuri kena koi jisu hi dangor hobo lage aru ami chutu.

Kile John the Baptist para inika koi koile, pobitro kotha  te likhi kena ase tai Jun hi sorgo para ahishe tai tu sob se uncha ase, tai Jun hi mati pra ase mati lga kotha kobo hoile bi tai Jun hi sorgo pra ahishe sobse uncha thakibo.

Ekbar sadhu sunder singh trivandrum te jaishile ministry laga kam para. Tate ekta maiki tailaga mora bacha loi kena kandi kena ahishe. Tai laga suku pani para sadhu singh toh mon dukh hoi she aru itu bacha tu tai laga hath te loi kena isor logote prathana kurishe aru isor bi tai lga parthana hunishe aru tai k nuton jibon dishe. Itu bacha tu suku khulishe aru tai ama k sai kena smile kurishe. Itu ama tu bishi khushi hoi kena sadhu singh ke hi apuni toh ami laga isor ase koishe, kile koile apuni ami laga bacha zinda kuri dishe.

Itu sadhu singh tu hoile mon dukh hoi kena bar bar itu maiki k koishe itu ami nohoib hoilebi  isor ase aru tai laga mahima ase koishe. Hoilebi itu maiki tu huna nai aru tai laga nam hi uncha kori thakishe.

Sadhu Singh toh mon bhangi kena isor k koishe, “isor apuni hi jibon ase aru apuni para hi itu bacha k bi jibon dishe. Itu bacha utha tu apuni nam para hi uthishe. Hoilebi itu maiki tu apuni k najane ami k hi nam uncha kuri thakishe. Tai k bi map kuri dibi aru ami k bi map kuri dibi. Judi ami lga nam hi uncha hobole ase, tene hoile ami lga itu achurit kam kora  shakti tu apuni loi lobi.

Hodai din isor laga nam uncha koribi aru nijor k nomro koribi. Isor ekla k apuni Khan laga ghor laga dangor banabi. Kitya b manu Khan k apuni nimite usor ahibo nidibi hoilebi isor laga usor hi ahibo dibi. Isor para hi nomro thakile apuni k ashirbad kuribo. Oh isor laga bacha Khan nijor k nomro koribi aru isor k uncha kuribi.

Aji bhabna kuribo laga pobitro kotha tu hoile. Matthew 20:26 hoilebi apuni Khan nimite inika hobole naparibo. Apuni khan bhitorte Jun sob para dangor hobole mon ase tai poila sob laga naukar hoikena thakibo lagibo.