June 21 – Buja aru jana manu

Proverbs 28:2 jitia ekta desh pap kore tate ekta piche ekta Raja ahithake. Hoilebi tate laga netakhan chalak aru dimag thakia hoise koile tate bisi takot thake aru bisi deri tok thake.

Jun hi proverbs laga kitab puribo, tai toh jibon te unoti hobo. Itu dimag laga kotha tu nijor laga bhal nimite hi ase. Itu ministry nimite bi bishi bhal ase.

Juan lora suwali Khan bi Sadi nuhua agete itu poribo lage aru nijor laga jibon councelling hisab te lobo lage.

Alexander McLean, ekta famous preacher para koishe, “proverbs laga kitab tu dawai nisina ase, juntu hi apuni logot thakibo. Itu sob sapha kure bimar. Kiman bi hosa kotha ase na.

Bishi Juan lora suwali para jisu Krista ke biswas kure itu proverbs laga kitab kura pichete.

Bishi manu para knowledge pabole nimite itu kitab tu pore aru isor laga wisdom ke hi pai loi. Itu dimag laga kotha para hi isor usor te ami khan logote tani loi.

Proverbs laga ekta bhag tu scripture laga thik kotha Khan ase, jisu aha laga kotha loi kene. Ekjon para jisu laga knowledge nisina hobole paribo itu purishe koile. Itu wisdom paa tu nijor laga jibon te khara kuribo paribo.

Bacha Khan ke aru ghor laga manu Khan ke itu poribo dibo lage. Tai Khan tu chutu para hi knowledge pai jabo.  Aru tai Khan tu itu kotha para hi bachi thakibo. Junhi ijot nokoribo itu isor laga dimak kotha proverbs k tai Khan tu najani kene nijor laga jibon te dagi lagai lobo. Itu isor laga kotha tu khali atma laga nohoi hoilebi itu jibon laga hatyar ase ami khan cholabo nimite. Ami khan ke tagot aro kine ka cholibo itu para hi sikhi pai.

Aji bhabna kuribo laga kotha tu hoile, job 12:13 ase, bura manu Khan laga dimag ase, hoilebi isor logote dimag aru takot ase.