Appam - Soura

June 15 – Rubmangbara a Hangben!

“Ambendaman abmaridnaba. Iten asan gamlenden biyo Gamangtungan mang-ling-ben rubmangdagen a baran lumte” (Josua 3:5).

Iten asan Marid mandrengna abhananaben dete? Mandrengnalenben manaridan dakuleden, Kitungan amang saring rumangbara a hangbe tungna. Agante mandrang Kitungan amangba dakute, Kitungan kun mandra amang saring manarid mandrengna saite.

Iten asan ateng mandranji gamteji? ‘hen Kitungan a d’ong jatai bogad birinda ling-hen rumang bara lumlende. Hen Jisun ad’ong abgugutai bogad bangsa bara tiyitenden. Bogad Jisun ongerong tiyantiden biridanling-len ajatai. Kan ateng mandranji gamteji.

Bindo Iten bibolan gamte? Aparamantaling, Ambendaman abmaridnaben dete. Kan ambrij alumte adnag, amben Kitungan amang saring rumang bara giyle araptite. Jisu Kristu gamete, “Bindo abmangan Kitungan a rajaman, do Anin a ranoitadan apsele erba guijba. Etteden kan kuddubanate d’ong-ben taniyan dete” (Mattiu 6:33). Kitungan a ranoitadan na a manaridan.

Bo surda soba apsele pastron a oskaitenan adnag, kun soba anobamar gamte, “Mandranji rumang bara saiteji. Ateng mandranji sanamangan, ranapti, sunumang saring anumregan do tumatgiybiran. Kan apsele oskailing yirai.” Pastron janang sobaban ayirben amang oskaile do garberle.

Agate pastron tudumle do Kitungan aman garbirle gamete mandranji rumang bara hangbedete, Kitungan ualete, “Hen rumang bara alumbe apsele oskailen daku. Bindo mandranji pitunsaring umdrengle marid mandrengnaling dakutejipo?”

Josua mandranji a d’ong giyle do gamete, “Ambendaman abmaridnaba. Iten asan gamlenden biyo Gamangtungan mang-ling-ben rubmangdagen a baran lumte” (Josua 3:5). Mojes a d’ong Kitungan gamete Aman mandranji amangban iyan iyle, nami do biyo aninji a d’ong abmaridaji, a ganijgij lingan Sinai barun a langka latsolen yertai (Hanagod 19:10,11). Agante atam sanaisajan ambrij Kitungan amanba do manaridlingan dakunaben dete, Kitungan ajadinna rumang bara lumte mangbaben.

Tanahimdam Kitungan a onagji, kanalkanlben do danukaben dele denna atengtepo? Kitungan atimangba gobba do sanamangan hangba. Butete rumang bara lumte anin Jordon ajodarn Israel maranji apadben apsele dete, anin ajadirna mangbabe rumang bara lumte.

Kinolbe absele: “Bar er anogaldage a surda baranji Anin lumte, er danisamge rubmang baran lumte” (Ayob 9:10).

Leave A Comment

Your Comment
All comments are held for moderation.