Mar 16 – Tai apuni pora age jabo!

Isaiah 52:12 kile koile Jehovah jabo apuni laga agete, aru Israel laga isor hi apuni langa roykhya hobo.

Isor hi apuni laga agete jai, apuni ke dikhai kene tai laga rajyo te raja laga raja hoi kene. Tai pora hi tera rasta bi siddha kuri dibo. Tai pora sob biya khan ke girai diye aru apuni ke loi jai.

Bishi manu khan dur jag ate berabole bhoi khai. Tai khan bhoi khai kile koile najana laga jag ate tai khan logote ki hobo itu bhabn kuri kene. Hoilebi isor pora apuni ke koi ki tai hi apuni laga aget jabo apuni ke roykhya kuri kene. Isor pora koi ke tai apuni logote hodai thakibo, itu prithibi khotom nahua tok. Matthew 28:20.

Jitya porivaar manu khan bahar te jai, sathi aru porivaar khan taikhan ke airport te pongchabole jai. Kile koile tai khan utu porivaar ke morom thaka karone, tai khan airport te jai mausam biya thakile bi, ratbi hoilebi din hoilebi, pani girile bi dhup dile bi. Inika morom pora hi utu porivaar ke khushi rakhibo taikhan jai thaka laga homoi te.

Jitya prithibi laga sathi aru porivaar khan bi iman bhabna kure tai khan jai thaka laga uporte , bhabna kuribi kiman bi dangor hobo isor laga morom tu apuni khan laga safar karone. Isor hosa bi apuni khan logote hodai din hi ase. Itu karone apuni iku bhoi khabole nalage.

Moses jun hi Israel manu khan ke canaan laga mati te loi jaishe, jun hi isor ke sob dishe aru tai khan ke bachai kene rakhibole tai khan laga rasta te. Tai Israel manukhan ke ashirbaad kurishe Deuteronomy 33:27 hodai din thaka laga isor hi apuni laga roykhya ase, tai laga hath nichete.

Kiman bi sundor mauka ase isor laga bacha khan karone! Ekta bhal mauka ase isor ke pabole.itu bishi sonman laga kotha ase ki tai pora hi amikha ke rasta dikhai aru loi jai. Tai pora tai laga duth khan ke pothai apuni ke bachai kene rakhibole nimite.

Jitya apuni isor thaka laga mehsus kuribo, hoodia din taike mahima kurbi aru tai laga sheva kuribi, aru tai ke dhuri kene thakibi. Aru jitya apuni itu kure apuni taike khushi kura laga jibon thaki jai, aru tai pora hosa bi apuni laga agete jabo.

Aji bhabna kuribole laga pobitro kotha tu hoile exodus 33:14 aru tai koishe, “ami apuni logte jabo aru apuni ke aram dibo.