Apr 10 – THAGATPADA MATIK CHABA!

“O Iswarbu thagatlu, maramdi masi aphabani. Mahakki thoujandi lomba naidabani.” (Psalm 136:1)

Iswargi aphaba mahao tangle haina hekta tokkadaba natte. Adubu mahakki aphaba nungshi thoujan adu numit khuding ningsinggadabani.

Mahakki thoujanna nahakpu keidoungeidasu chatthokte hunsu hundokte. Mahakpu matam leiba khibikta thagatpada matik chabani.

Ningthou Solomonna ningnasang adu sengdokpa matamda Purohit amadi Levi khudingmakna Iswarbu thagatkhi. Maramdi mahakna makhoibu nungshi thoujanna lamjingbirakkhi. Aduga Canaan lam youhankhi amadi bor lising lising pibikhi.

Ahanbada makhoina kari maramgi thagatkadabano haibado mayek sengna khanglamdrabasu akonbadadi makhoina nakei sengna khanglakkhi , madudi Iswarna makhoida asukki matik chaoraba nungshi thoujan utpikhibado makhoina khanglakkhi, aduna makhoina madugi damakta thagatkadabani. Aduna makhoina asumna Iswarbu thagatpa leppa leitana  sakkhi, “O Iswarda thagatlu, maramdi mahakna aphabani. Mahakki thoujandi lomba naidabani”.

Sastrana hai, Prabhudi aphabani, mahakki thoujandi lomba naidabani. Makhoina Iswarbu khurumba matamda ningnasang adu leichin na pum than thankhi. (2 Chronicles 5:13).

Prabhu bu aphabani haina nahakki thamoida thagatpa matamda mahakki thamoi da apenba phaobani. Ningnasagbu leichinna pum than thanhanba Iswar aduna mahakki ningnasang oiriba nahakki thamoibu mahakki matik mangalda thalhangani. Maramdi nahakti mahakki leiphamni. Aduna nahakki thamoi apumba da mahakpu asumna thagatlu, “Iswardi aphabani, mahakki thoujandi lomba naidabani”.

Psalm 136 asi tasengna akhannaba  psalm oiribani,maramdi pada aroiba khudingda masi wahei asi yaori,”mahakki thoujanna lomba naidabaphao khangbiri”. Psalm gi ahouba pada asida Prabhu bu aphabani haina laothokli,aduga aroiba pada singda Iswarbu karigi damakta thagatpada matik chabano haiba adu phongdokli.

Thagatpada matik charaba Iswar aduna eikhoida ngasi numit asida wasak ama toubire. “   chingsang sing adu niktuna tumna mangba yai, adubu eigi thoujandi nangondagi lapthoklaroi. Aduga eigi  wareppa asisu mangba leiraroi.” (Isaiah 54:10).

Iswargi machasing, Iswargi thoujandi lomba naidabani haiba asi hanjin hanjin hairaga Iswardu thagatloidra? Adu oirabadi matik mangalgi leichinna nahkpu koisingani. Iswardi aphabani, aduna mahakna nahakpu aphaba khudingmakta pik than hangani. Mahak khaktani thagatpada matik chariba adu.

Dhyan tougadaba, “eikhoina tonthana leiringeida mahakna eikhoibu ningsingbikhi, mahakki nunghiabadi lomba naidabani.” (Psalm 136:23).