ਮਾਰਚ 26 – ਉਸਨੇ ਧਰਮੀ ਠਹਿਰਾਇਆ!

“ਅਤੇ ਜਿਨ੍ਹਾਂ ਨੂੰ ਉਹ ਨੇ ਅੱਗਿਓਂ ਠਹਿਰਾਇਆ ਉਸ ਨੇ ਉਹਨਾਂ ਨੂੰ ਸੱਦਿਆ ਵੀ ਅਤੇ ਜਿਨ੍ਹਾਂ ਨੂੰ ਉਸ ਨੇ ਸੱਦਿਆ ਉਹਨਾਂ ਨੂੰ ਧਰਮੀ ਵੀ ਠਹਿਰਾਇਆ ਅਤੇ ਜਿਨ੍ਹਾਂ ਨੂੰ ਉਸ ਨੇ ਧਰਮੀ ਠਹਿਰਾਇਆ ਉਹਨਾਂ ਨੂੰ ਵਡਿਆਈ ਵੀ ਦਿੱਤੀ”(ਰੋਮੀਆਂ 8:30)।

ਯਹੋਵਾਹ ਉਨ੍ਹਾਂ ਲੋਕਾਂ ਨੂੰ ਧਰਮੀ ਠਹਿਰਾਉਂਦਾ ਹੈ ਜਿਨ੍ਹਾਂ ਨੂੰ ਉਸ ਨੇ ਪਹਿਲਾਂ ਹੀ ਠਹਿਰਾਇਆ ਹੈ। ਉਸ ਨੇ ਉਨ੍ਹਾਂ ਦੀਆਂ ਸਾਰੀਆਂ ਬਦੀਆਂ ਨੂੰ ਆਪਣੇ ਉੱਪਰ ਲੈ ਲਿਆ ਅਤੇ ਉਨ੍ਹਾਂ ਨੂੰ ਧਰਮ ਦੇ ਵਸਤਰ ਪਹਿਨਾਏ। ਉਨ੍ਹਾਂ ਦੇ ਲਈ, ਉਹ ਪਾਪ ਬਣ ਗਿਆ, ਜਿਹੜਾ ਪਾਪ ਨੂੰ ਨਹੀਂ ਜਾਣਦਾ ਸੀ।

ਅਬਰਾਹਾਮ ਨੇ ਪਰਮੇਸ਼ੁਰ ਉੱਤੇ ਵਿਸ਼ਵਾਸ ਕੀਤਾ, ਅਤੇ ਇਹ ਉਸ ਦੇ ਲਈ ਧਾਰਮਿਕਤਾ ਮੰਨਿਆ ਗਿਆ। ਰਸੂਲ ਪੌਲੁਸ ਕਹਿੰਦਾ ਹੈ: “ਸੋ ਜਦੋਂ ਅਸੀਂ ਵਿਸ਼ਵਾਸ ਦੇ ਦੁਆਰਾ ਧਰਮੀ ਠਹਿਰਾਏ ਗਏ ਤਾਂ ਅਸੀਂ ਆਪਣੇ ਪ੍ਰਭੂ ਯਿਸੂ ਮਸੀਹ ਦੇ ਰਾਹੀਂ ਪਰਮੇਸ਼ੁਰ ਨਾਲ ਮੇਲ ਰੱਖੀਏ”(ਰੋਮੀਆਂ 5:1)। ਕਿਉਂਕਿ ਪ੍ਰਭੂ ਨੇ ਖੁਦ ਤੁਹਾਨੂੰ ਧਰਮੀ ਠਹਿਰਾਇਆ ਹੈ, ਕੋਈ ਵੀ ਤੁਹਾਡੇ ਉੱਤੇ ਦੋਸ਼ ਨਹੀਂ ਲਗਾ ਸਕਦਾ ਹੈ ਜਾਂ ਤੁਹਾਡੇ ਉੱਤੇ ਉਂਗਲ ਨਹੀਂ ਉਠਾ ਸਕਦਾ ਹੈ।

ਰਸੂਲ ਪੌਲੁਸ ਪੁੱਛਦਾ ਹੈ: “ਜੇ ਤੁਸੀਂ ਭਲਿਆਈ ਕਰਨ ਵਿੱਚ ਚੁਸਤ ਹੋਵੋ ਤਾਂ ਉਹ ਕਿਹੜਾ ਹੈ ਜਿਹੜਾ ਤੁਹਾਡੇ ਨਾਲ ਬੁਰਿਆਈ ਕਰੇਗਾ?”(1 ਪਤਰਸ 3:13)। ਭਾਵੇਂ ਹੀ ਦੂਸਰੇ ਤੁਹਾਡੀ ਬੁਰਿਆਈ ਕਰਨ ਅਤੇ ਤੁਹਾਨੂੰ ਦੁਖੀ ਕਰਨ, ਪਰੇਸ਼ਾਨ ਨਾ ਹੋਵੋ। ਉਨ੍ਹਾਂ ਦੁੱਖਾਂ ਉੱਤੇ ਵਿਚਾਰ ਨਾ ਕਰੋ ਅਤੇ ਆਪਣੇ ਦਿਲ ਵਿੱਚ ਥੱਕ ਨਾ ਜਾਓ। ਅਤੇ ਦੂਸਰਿਆਂ ਦੀਆਂ ਦੁੱਖ ਪਹੁੰਚਾਉਣ ਵਾਲੀਆਂ ਗੱਲਾਂ ਤੋਂ ਹਿੰਮਤ ਨਾ ਹਾਰੋ।

ਜਦੋਂ ਤੁਸੀਂ ਸੱਟ ਅਤੇ ਦੁੱਖ ਨੂੰ ਮਹਿਸੂਸ ਕਰੋਂ, ਤਾਂ ਯਿਸੂ ਦੇ ਵੱਲ ਦੇਖੋ, ਜਿਹੜਾ ਸਾਡੇ ਲਈ ਕੁਚਲਿਆ ਗਿਆ ਸੀ। ਅਤੇ ਜਦੋਂ ਕਦੇ ਤੁਸੀਂ ਦਰਦ ਵਿੱਚ ਹੋਵੋਂ, ਤਾਂ ਯਿਸੂ ਦੇ ਵੱਲ ਦੇਖੋ, ਜਿਹੜਾ ਚੰਗੇ ਸਾਮਰੀ ਦੇ ਰੂਪ ਵਿੱਚ ਨਾਲ ਆਉਂਦਾ ਹੈ, ਤੁਹਾਡੇ ਜ਼ਖਮਾਂ ਉੱਤੇ ਪੱਟੀ ਬੰਨਣ ਦੇ ਲਈ। ਉਹ ਦਯਾ ਨਾਲ ਤੁਹਾਡੇ ਨੇੜੇ ਆਉਂਦਾ ਹੈ, ਅਤੇ ਤੁਹਾਡੇ ਜ਼ਖਮਾਂ ਨੂੰ ਦਾਖ਼ਰਸ ਨਾਲ, ਜਿਹੜਾ ਉਸਦਾ ਲਹੂ ਹੈ, ਅਤੇ ਤੇਲ ਨਾਲ ਜਿਹੜਾ ਪਵਿੱਤਰ ਆਤਮਾ ਹੈ। ਅਤੇ ਉਹ ਤੁਹਾਨੂੰ ਦਿਲਾਸਾ ਦੇਵੇਗਾ।

ਜਦੋਂ ਦੂਸਰੇ ਤੁਹਾਡੇ ਵਿਰੁੱਧ ਉੱਠ ਖੜ੍ਹੇ ਹੋਣ, ਤਾਂ ਸਿਰਫ਼ ਉਸ ਰਾਹ ਦੇ ਵੱਲ ਦੇਖੋ, ਜਿਸ ਨੂੰ ਸਾਡੇ ਪ੍ਰਭੂ ਯਿਸੂ ਨੇ ਪਾਰ ਕਰਨਾ ਸੀ। ਉਸ ਦੇ ਵਿਰੁੱਧ ਫ਼ਰੀਸੀਆਂ ਦੇ ਸਾਰੇ ਝੂਠੇ ਅਤੇ ਹੰਕਾਰੀ ਦੋਸ਼ਾਂ ਦੇ ਬਾਰੇ ਸੋਚੋ। ਇੱਥੋਂ ਤੱਕ ਕਿ ਉਨ੍ਹਾਂ ਨੇ ਉਸਨੂੰ ਘਰ ਦਾ ਮਾਲਕ ਬਾਲਜਬੂਲ ਅਤੇ ਦੁਸ਼ਟ ਆਤਮਾਵਾਂ ਨਾਲ ਗ੍ਰਸਤ ਆਦਮੀ ਵੀ ਕਿਹਾ। ਲੋਕਾਂ ਨੇ ਪਿਲਾਤੁਸ ਦੁਆਰਾ ਛੱਡੇ ਜਾਣ ਦੇ ਲਈ ਯਿਸੂ ਨਾਲੋਂ ਬਰੱਬਾ ਨੂੰ ਚੁਣਿਆ। ਉਹ ਚੀਕੇ ਅਤੇ ਯਿਸੂ ਨੂੰ ਸਲੀਬ ਉੱਤੇ ਚੜਾਉਣ ਦੀ ਮੰਗ ਕੀਤੀ। ਉਨ੍ਹਾਂ ਨੇ ਉਸਦਾ ਮਜ਼ਾਕ ਉਡਾਇਆ, ਉਨ੍ਹਾਂ ਨੇ ਉਸਨੂੰ ਆਪਣੇ ਹੱਥਾਂ ਨਾਲ ਮਾਰਿਆ ਅਤੇ ਉਸਨੂੰ ਕੋੜ੍ਹੇ ਮਾਰੇ। ਪਰ ਯਿਸੂ ਨੇ ਉਹ ਸਭ ਨਿਮਰਤਾ ਨਾਲ ਸਹਿ ਲਿਆ। ਉਹ ਹੀ ਯਿਸੂ ਤੁਹਾਡੇ ਨਾਲ ਹੈ, ਜਦੋਂ ਵੀ ਤੁਹਾਡੇ ਉੱਤੇ ਝੂਠਾ ਇਲਜ਼ਾਮ ਲਗਾਇਆ ਜਾਂਦਾ ਹੈ ਜਾਂ ਸੱਟ ਪਹੁੰਚਾਈ ਜਾਂਦੀ ਹੈ।

ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਜਿਹੜਾ ਤੇਰੇ ਨਾਲ ਝਗੜੇ ਉਹ ਤੇਰੇ ਕਾਰਨ ਡਿੱਗੇਗਾ”(ਯਸਾਯਾਹ 54:15)। ਇਸ ਲਈ ਪਰੇਸ਼ਾਨ ਨਾ ਹੋਵੋ। ਜਿੰਨ੍ਹੇ ਲੋਕ ਤੁਹਾਡੇ ਵਿਰੁੱਧ ਕੰਮ ਕਰਨ ਅਤੇ ਸਾਜ਼ਿਸ਼ ਰਚਨ ਦੇ ਲਈ ਇਕੱਠੇ ਹੋਏ ਹਨ, ਉਹ ਸਭ ਤੁਹਾਡੇ ਪੱਖ ਵਿੱਚ ਆਉਣਗੇ।

ਅਭਿਆਸ ਕਰਨ ਲਈ – “ਤੁਹਾਡੀ ਲਾਜ ਦੇ ਬਦਲੇ ਤੁਹਾਨੂੰ ਦੁਗਣਾ ਹਿੱਸਾ ਮਿਲੇਗਾ, ਬੇਪਤੀ ਦੇ ਬਦਲੇ ਤੁਸੀਂ ਆਪਣੇ ਹਿੱਸੇ ਵਿੱਚ ਮੌਜ ਮਾਣੋਗੇ, ਇਸ ਲਈ ਤੁਸੀਂ ਆਪਣੇ ਦੇਸ ਵਿੱਚ ਦੁਗਣੇ ਹਿੱਸੇ ਦੇ ਅਧਿਕਾਰੀ ਹੋਵੋਗੇ, ਸਦੀਪਕ ਅਨੰਦ ਤੁਹਾਡਾ ਹੋਵੇਗਾ”(ਯਸਾਯਾਹ 61:7)।