Mar 13 – MAHAKNA AWATPA PIBIRAKKANI !

“Eigi Iswarna nakhoigi awatpa pumnamak Chrisa Jesugi mapanna mahakki matik mangal leiba lan adudagi matung inna pibigani.” (Philippians 4:19).

Awatpa leitaba mi kana amatasu leite. Kana gumba misingdi hakchangda anaba lei, kanagumba kharana makhoigi wakhalda lousing watpa lei. Kanagumba misingdi thawaida potthapham khangdana lei. Pap ki maramna taibang asida serap amadi awatpana thallle. Papki maramna Eden ingkhonda oiramba nungaiba chaokhatpa adu mioibana manghankhe. Chinjak watpa, lousing watpa hakhang phatabana thanba taibang oirabasu Iswarna eikhoibu chaokhatpa amadi changkhonba adu oihanba ngambani.

Sastrana hai, “nouriba nongsasingna awatpana thallaga chak lamlaga lei, adubu Iswarbu kiriba misingnadi aphaba kari amatasu watpa leiroi.” (Psalm 34:10).  Translation atoppa dimasi asumna hai, “panggal kanba amadi athoiba misingna laribana maram oiraga chaklamlaga lei. Adubu Iswargi machasingdi Iswarna yokthakpigani.

Nanggi awatpa khudingda nahakna atiya malem sembiba mapu adu yenggadabani maramdi mahakna nahakpu koubibani, lamjingbibani aduga nahakpu senbibani. Psalm iriba Davidna Iswargi bu yengjaraga asumna hairammi, “Jehovahdi eigi sennabiba mapuni, eihak awatpa leiroi.” (Psalm 23:1).

Nahakki senthok lambi watpa asida nahak thawai nungaitana leibra? Adu oirabadi nahakna sen adu phangba matamda nahakki imung apumba Iswarda changjaraga madugi senthok lambi adu Iswarna bor pibinaba haijagadabani. Tan manga da mi lising manga pijabibani Iswar aduan nahakki awatpa khudingmak pu yengsinbigani. Israel macha mi million anibu pijabbiba Iswar aduna nahakki darkar leibasing adusu pirakkani.

Kanagumba mi kharadi  sengi awaba thengnaba matamda makhoina  Iswarda yengjaba gi mahutta makhoina loan gumba louba natraba kanagumba misingda punaba hotnei. Madugumba matamda makhoi adu loan phangnabagi wakhal na pik thanli. Iswarnasu makhoibu sentonbagi awabada thambibani. Adubu loan loubagi wakhal thadoktuna Iswarbu eigi sennabiba mapuni haina khallaga thajaba thamduna mahakki mateng thijaba sing adudi Iswarna makhoigi damakta angakpa thabak toubirakkani.

Iswargi machasing, nahakki punshida awatpana thanba matamda Zeraphath ki lamda lukhrabi gi thao amadi yam adu bor piraga marang kaihanba adugumna nahakki punsida Iswarna bor pibinaba haijou. Nahakna mahakpu thijaba matamda mahakna nahakki awatpa khudingmaktu mahakki inakkhunba adugi matung inna pibirakkani.

Dhyan tougadaba: “adubu akhang kanba thabak asina mahakki mathou mapum phana touba oisanu,aduna nakhoina kari amatasu awatpa leitana changkhonba adu oinaba.” (James 1:4).