Mar 07 – Tai pora ahram dibo!

Isaiah 66:13 tai nishina junke tai laga ama pora ahram  diye, inika hi ami ahram dibo; aru apuni ke ahram dibo Jerusalem te.

Kiman bi achurit ase ami khan ama nishina ahram paa tu isor pora! Jitya baba khan thik niom adot khan ke shikai, titya ekta bacha kunuba ke lage tai ke ahram dibole . aru ama hi ase utu parivaar te jun pora sob laga dhyan rakhe aru sobke ahram diye.

Bishi porivaar ase jun laga baba mudu khai kene ahe aru bacha khan ke mare. Kunuba parivar laga baba tu kam te hi bishi busy hoi jai, aru nijor parivar bacha khan ke sabole napara hoi jai. Aru kunuba parivaar khan ase, jhagra hoi thake aru bacha khan uporte dyan dibole napare aru bacha khan nijor laga khushi pora hi thaki jai. Inika laga homoi te ama hi ase jun pora bacha ke morom kure aru tai ke ahram diye. Ani saishe koile bishi tarika ase moon ahram pabole nimite, hoilebi isor pora am ke hi morom aru ahram dibole laga bacha khan karone chunishe. Aru itu karone isor koi: tai ama nishina hi amikhan ke morom aru ahram dibo.

Isor tu ekta baba nishina hi uthai tai laga bacha khan ke, aru morom kure baba nishina hi. Inika hi aru bi tai bishi morom aru ahram diye ama nishina bi. Isor nijor ke Abraham usorte El Shaddai koi kene janai she. Hebrew kothate El Shaddai laga motlob tu hoile tai jun hi ahram diye ekta ama jinika tai laga bacha ke ahram diye, aru tai jun hi ama nishi sai aru pali kene dangor kure.

Ani saishe koile homoi hisab te bacha khan baba logote bishi homoi thakibole napai. Kilekoile baba khan kunuba tu bishi dur tw kam kure aru kityaba hi ahe hapta te nahoile sal aru mahina hisab te. Kunuba khan tu phujirte jaishe sham nahoile rati te hi ahe. Aru inika homoi te bacha khan taikhan laga baba ke lok pabole bishi utsuk te thake. Aru dusra phine saile ama hi hodai din bacha khan logote thaki kene taikhan ke bhal pora sai aru kityaba baba khan nishina sob phine zimedari khan bi uthai.

Kunuba homoi te bacha khan dangor hoi kene sadi kuri nijor laga bacha thakile bi bimar laga homoi tea ma khan laga usorte hi thakibole mon jai. Tai khan ama laga morom aru ahram kotha khan ke hunibole mehsus kuribole icha kure ji pora tai khan ke anondo dibo. Kun bi ama laga jaga lobule napare. Ekta ama tai laga bacha khan ke kitya bi pahoribole napare aru tai laga morom tu hodai din iki thake.

Isor pora hude: “ ki ekta maiki tai laga dudh khai thaka bacha ke pahoribole paribo, aru morom nathakibo tai pora pet te pala bacha ke? Hosate bi tai khan pahoribo pare, holebi ami kityabi napahoribo apuni ke” Isaiah 49:15. Isor laga bcha khan ke, isor apuni ke kitya bi napahoribo. Apuni khan bi taike kityabi napahoribo lage, tai jun hi apuni ke kitya bi chari diyanai.

Aji bhabna kuribole laga pobitro kotha tu hoile Isaiah 40:1-2 ahram, hoi ahram dibi ami laga manu ke! Koi apuni laga isor. Kobi ahram Jerusalem ke, aru kandi dibi taike, ki tailaga lora tu khotom hoishe, ki tai laga galti khan maph hoishe.”