Mar 07 – SAMJAYEVALO

Yeshaya 66:13 Yek yadi samjavaju Ma samjavunchu. Ann Yerushalememaj tham samjavni pavocho.

Apaner Prabhur dai yek yadir nai samjavni palero kathra moto nashib malich kunika. Yek gharema baap chachabrena sudho vatema chaleyen maru karatho, yadij vunden godema bakdi bharlen samjayero kam karacha.

Thodsek katmalevuma bap daru pilen athani chachabren maru karacha. Ajji thodsek katmalema baap vor kamema padan asal chachabrer vadi kai kyal kareniju racha. Ajji dasek katmalevuma kanna laday maru karach jethi vo katmalemar chachabar vunder jeevanen ku yishta vachko hanu bhayankaranga badlavni vejavu karacha. Yessa vagathema seji yadi chachabren dai balalen vunden samjathanu sammor karacha. Jesaru apner Prabhu dusarenkeni leleniju yadinaj lelen Ma yek yadi dakal samjavunchu kan kerocha.

Apaner Prabhu yek baap vor choran paldaju kandeper palden vor vadi baap ku daya dakalachko vothi jadaj daya dakalan yek yadithi jadaj premen dekalrocha. Abrahamen El-shaddai Dever nai malam karlino . Hebrew bolinima El-shaddai katho samjayevalo kan aratham . Katho yek yadi vor betan kandeper palden samjavaju , khyal karaju , premethi deklaju dekluchu kan kerocha.

Yekek katmalema baap rero jada kam kankren katho vor kamervasu dusar jagen jamelacha . Kannako varsema yek ko dee hapthi mathramaj deklen dagarjavu karacha. Maro baap kanna ayekan  vo chachabar ankima anki ghallen dekukaracha. Katho baap cheninako vagath sari yadij seji katmaler bharo baper nai deklukaracha.

Thodsek beptavo motvejathani, achethi padan naokari lalen, vaya karel vunden bepta pedavemalathoi vunden varu naratho yadij deklenu kan kelacha. Hanu varu renijana vo bepta vunder yadir godo chavnu ann vu yadir samjayer vathen samatho dher vu samjayer vathethij manna khushi malacha kan kacha. Sasij Yek yadir jagen dusar kunireda bharthi karer veni. Yadi kannai vor beptan bhuleni , vu yadir preethi  badlavni kannai veni.

Jethij Prabhu Yeshaya 49 :15 vachanema kacha ,yek yadi  vor petema  pedavemelejako beptan karuna dekaleniju bhulach kaiko? Pan Ma thon bhuluni. Jethi mar premevalavo Vu Deven thu kannai bhulamath kankren katho Vu Dev thona kannai choduni kemelocha.

Ajji jada dhyan karen pado Yeshaya 40:1-2