Mar 01 – Tai Jane!

Job 23:10 hoilebi tai jane kuntu rasta ami loi!

Kun bi buji thakanai job pora ki rasta loi. Tai laga maiki bi taike shrap diye aru chari diye. Aru tai laga sathi khan itu dukh te kotha kisim kisim koi kene biya kuri diye. Enika beya laga homi te bi job koi: “hoilebi tai jane kuntu rasta ami loi; jitya tai porikha loishe, ami ekta sona nishi ahibo”. Isor pora hosa bi jane apuni laga porikha aru dukh khan.

Isor pora moses ke koi: “ami hosabi dekhishe kinika dabi kene ase ami laga manu khan jun khan Egypt te ase, aru tai khan laga kanda hunishe kilekoile taikhan ke cholai thaka manu khan pora, inika ami tai khan laga dukh jane, Exodus 3:7. Hoi isor sob jane apuni laga jibon laga homoi khan ke. Kinika tai Israel manu khan ke bachai loishe Egypt laga hath pora , inika hi ami apuni ke sob bharr khan pora ulai dibo.

David koi: “ami digdar te ase, ami jhukishe nichete biya pora; ami pura din mon dukh kuri thake, Psalms 38:6. Hoilebi isor jun hi jane sob dukh khan david laga, thik kurishe bara khana tai laga dushman khan laga majote, aru chuni loishe tai ke pobitro atma pora.

George Washington, jun hi united states of America ke banaishe, taike civil war te thakishe, dushman khan pora khedaishe aru itu pora bachi bole nimite tai polaishe. Tai laga dushman khan pora taike ghora te khedai thakishe. aru tai pura rati te polai thakibo lagishe, tai khan pora bachibole  nimite. Tai polai thki kene ekta nodi laga kinar te paishe. Kile koile utu thanda laga homoi thakishe, utu nodi laga pani tu borop hoi jaishe upor pora. Tai utu nodi laga kinarte hi ghutna te ahi kene prathana kurishe: “isor apuni jane ki ami laga dushman khan pora ami ke khedaiase. Itya ami itu nodi ke jabo. Morom kuri kene ami laga jibon ke bachai lobi’.

Aru narukhi kene tai nodi ke jhamp mari dikshe aru teribole shuru kurishe tailaga pura tagot di kene aru mon te prathana loi kene. Kile koile tai isor laga Shakti porra bi bhorta hoi jaishe, taike thanda pani por abi rukha bole paranai. Tai bhal pora hi bachi kene nodi laga dusra kinarte te pungchibole parishe. Tai laga dushman khan bi kkinarte punchishe hoilebi kun bi inika himmot thakanai nodi laga handa pani ke teri kene par kuribole nimite aru tai khan sob mehnat tut ate hi chari bole ulaishe George ke dhuribole kuri thaka tu.

Isor laga bacha khan, isor jun hi jane aru modot kurishe George washinton ke tai laga digdar laga homoi te, itu bi jane apuni laga jibon te ki dukh ase. Aru itu sob dukh laga majote, tai tagot ase apuni ke jitai dibole.

Aji bhabna kuribole laga pobitro kotha tu hooile 1 corinthians 8:3 hoile bi judi kunuba isor ke morom kure, utu ke isor pora jane.