Feb 23 – LUHONGBA !

“Humnisuba numitta Galileegi Cana saharda luhongba ama thoklammi, maduda Jesugi mamasu yaorammi.” (John 2: 1).

Sastrana haibagumna Jesu, mama, amadi mahakki seboksing bu barton thouramba luhongba matam adu chayolgi humni suba numit aduni.  Matam adugi calendar gi matung inna Sunday asi chaoyolgi khwaidagi ahanba numit oirammi. Monday adu di anisuba numit ni aduga Tuesday adudi ahumsuba numit ni. Adubu matam aduda kananasu Tuesday numit asida luhongba pangthoknade. Tuesday numit asi aphaba numit nungaiba numit oina kananasu singthanade aduga luhongbasu pangthoknade. Mi ayambana su Tuesday numitta langpheisu chatthoknade.

Adubu Jesugi matada luhongba pangthoklamba imung adu yaiphaba mising oirammi makhoina adugumba wakhal leiramde. Maram aduna Jesu amadi mahakki seboksing aduna harao  haraona luhongba aduda saruk yarambani. Ngasigi matam asida mi ayambana aphaba numit tongan na leibani haina numit su kaithoklaga program adugi ahouba matam amadi loigadaba matadam phaosu lepnari. Madugumlaba thabak aduna Iswar adu kayada nungaihalloidoubano? Madugumba luhongba aduda Iswarna haraona saruk yarakkadra? Madugi maramda wakhal tou.

Humnisuba numit adugi maramdasu eikhoina wakhal tourusi. Christagi numittagi ngasiphaosi chahi lising kaya houkhre. Iswargi mityengdadi numit nini gumbani. Aduga eikhoina humnisuba numit adu eikhoina ugadoure. Madugi humnisuba numit adudi Christana mahakki asengba misingga ningthou oina chahi lising ama pangani. Chahi lising ani loiramdai matamda,Sastrana eikhoibu barton toubaga loinana eikhoida asumna kouri, “Yaomacha gi luhongbada barton phangliba misingdi yaiphabani.” (Revelation 19: 9).

Yaomachagi luhongba numit aduda Prabhu Jesu Christana bor du oigani. Aduga mahakna mahakki eegi mapanna leibikhraba Singlup aduna keinya oigani. Bor aduna music ga loinana luhongbagi sangda changlakpagumna Christana su pere makon ga loinana atiyadagi kumlakkani. Aduga nahakna nahakki thawaibu nungshiriba mahak adu hakthengnana uragani. Madugi numit adu kayada haora nungairamgani. Nongpok, nongchup, khadagi mi mayamna Abraham, Isaac amadi Jacobka loinana luhongba aduda saruk phangminnagani

Maduda haraoba, nungaiba amadi harao kumhei leigani. Aduga maduda drakha mahi su watpa leiraroi. Matik mangal gi ningthou aduna nahakki awatpasing adu pibigani. Iswargi machasing,nahakki ningthou na lenglakkadaba numit adugi damakta nahak semsarabra ?Mahakna anisuba oina lakpa numitta nahakna saruk phangba yanaba Iswarna pibiriba thoujan gi matamda asi heisingna sijinnou

Dhyan tougadaba: “aduga Thawai amadi  keinya aduna hairi, “Lak-u”,aduga tariba mi khudingmaknasu haisanu, ,”Lak-u”.” (Revelation 22: 17).