ਫਰਵਰੀ 19 – ਡੇਰਾ!

ਉਸ ਦਿਨ ਮੈਂ ਦਾਊਦ ਦੇ ਡਿੱਗੇ ਹੋਏ ਡੇਰੇ ਨੂੰ ਖੜ੍ਹਾ ਕਰਾਂਗਾ ਅਤੇ ਉਸ ਦੀਆਂ ਤੇੜਾਂ ਨੂੰ ਬੰਦ ਕਰਾਂਗਾ, ਮੈਂ ਉਸ ਦੇ ਖੰਡਰਾਂ ਨੂੰ ਫੇਰ ਬਣਾਵਾਂਗਾ ਅਤੇ ਉਸ ਨੂੰ ਪੁਰਾਣੇ ਸਮਿਆਂ ਵਰਗਾ ਬਣਾ ਦਿਆਂਗਾ, ਤਾਂ ਜੋ ਉਹ ਅਦੋਮ ਦੇ ਬਚੇ ਹੋਇਆਂ ਉੱਤੇ, ਸਗੋਂ ਸਾਰੀਆਂ ਕੌਮਾਂ ਉੱਤੇ ਕਾਬੂ ਪਾ ਲੈਣ, ਜਿਹੜੀਆਂ ਮੇਰੇ ਨਾਮ ਤੋਂ ਪੁਕਾਰੀਆਂ ਜਾਂਦੀਆਂ ਹਨ”(ਆਮੋਸ 9:11,12)।

ਪੁਰਾਣੇ ਨੇਮ ਵਿੱਚ ‘ਨਿਵਾਸ’ ਦਾ ਪਹਿਲਾ ਜ਼ਿਕਰ ਨੂਹ ਦਾ ਸੀ। ਉਸਨੇ ਮੱਧ ਪੀਤੀ ਅਤੇ ਮਤਵਾਲਾ ਹੋ ਗਿਆ (ਉਤਪਤ 9:21)। ਅਸੀਂ ਇਹ ਵੀ ਪੜ੍ਹਦੇ ਹਾਂ ਕਿ ਲੂਤ ਨੇ ਸਦੂਮ ਦੇ ਕੋਲ ਆਪਣਾ ਤੰਬੂ ਲਾਇਆ (ਉਤਪਤ 13:12)।

ਅਬਰਾਹਾਮ ਦਾ ਡੇਰਾ ਵਿਸ਼ਵਾਸ ਦਾ ਤੰਬੂ ਸੀ। ਵਿਸ਼ਵਾਸ ਨਾਲ ਉਹ ਵਾਇਦੇ ਵਾਲੀ ਧਰਤੀ ਵਿੱਚ ਜਾ ਵੱਸਿਆ, ਜਿਵੇਂ ਪਰਾਈ ਧਰਤੀ ਵਿੱਚ ਉਹ ਨੇ ਇਸਹਾਕ ਅਤੇ ਯਾਕੂਬ ਦੇ ਨਾਲ ਡੇਰਿਆਂ ਵਿੱਚ ਵਾਸ ਕੀਤਾ (ਇਬਰਾਨੀਆਂ 11:9)।

ਇਸਹਾਕ ਦਾ ਡੇਰਾ ਧਿਆਨ ਦਾ ਤੰਬੂ ਸੀ। ਯਾਕੂਬ ਦਾ ਤੰਬੂ ਇੱਕ ਡੇਰਾ ਸੀ ਜਿੱਥੇ ਉਹ ਪ੍ਰਾਰਥਨਾ ਵਿੱਚ ਪਰਮੇਸ਼ੁਰ ਨਾਲ ਲੜਦਾ ਸੀ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਹੇ ਯਾਕੂਬ, ਤੇਰੇ ਤੰਬੂ ਕਿੰਨੇ ਚੰਗੇ ਹਨ! ਹੇ ਇਸਰਾਏਲ, ਤੇਰੇ ਵਾਸ ਵੀ!”(ਗਿਣਤੀ 24:5)।

ਹਾਲਾਂਕਿ ਪੁਰਾਣੇ ਨੇਮ ਵਿੱਚ ਬਹੁਤ ਸਾਰੇ ਡੇਰੇ ਸੀ, ਇਹ ਸਿਰਫ਼ ਦਾਊਦ ਦਾ ਡੇਰਾ ਹੈ ਜਿਸਨੂੰ ਪਰਮੇਸ਼ੁਰ ਨੇ ਫਿਰ ਤੋਂ ਖੜ੍ਹਾ ਕਰਨ ਦਾ ਵਾਅਦਾ ਕੀਤਾ ਸੀ। ਕਿਉਂਕਿ ਦਾਊਦ ਦਾ ਡੇਰਾ ਉਸਤਤ ਨਾਲ ਭਰ ਗਿਆ ਸੀ। ਇਹ ਆਰਾਧਨਾ ਅਤੇ ਅਨੰਦ ਵਾਲਾ ਧੰਨਵਾਦ ਦਾ ਡੇਰਾ ਸੀ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਧਰਮੀਆਂ ਦੇ ਡੇਰਿਆਂ ਵਿੱਚ ਬਚਾਓ ਤੇ ਜੈਕਾਰੇ ਦੀ ਅਵਾਜ਼ ਹੈ”(ਜ਼ਬੂਰਾਂ ਦੀ ਪੋਥੀ 118:15)।

ਦਾਊਦ ਦੇ ਸਮੇਂ ਤੋਂ ਕੁੱਝ ਦੇਰ ਬਾਅਦ, ਅਸੀਂ ਸੰਗੀਤ ਸਾਜ਼ਾਂ ਦੇ ਨਾਲ ਉਸ ਦੀ ਤਰ੍ਹਾਂ ਨੱਚਦੇ ਅਤੇ ਗਾਉਂਦੇ ਹੋਏ ਵਿਸ਼ਵਾਸੀਆਂ ਦੇ ਬਾਰੇ ਨਹੀਂ ਪੜ੍ਹਦਾ ਹਾਂ। ਮੁੱਢਲੇ ਰਸੂਲਾਂ ਦੇ ਸਮੇਂ ਤੋਂ ਲੈ ਕੇ ਲੱਗਭਗ ਸੋਲ੍ਹਵੀਂ ਸਦੀ ਤੱਕ, ਕਲੀਸਿਯਾ ਦੇ ਇਤਿਹਾਸ ਵਿੱਚ ਕੋਈ ਵੱਡੀ ਬੇਦਾਰੀ ਨਹੀਂ ਹੋਈ ਸੀ।

ਪਰ ਯਹੋਵਾਹ ਨੇ ਵਾਅਦਾ ਕੀਤਾ ਹੈ ਕਿ ਉਹ ਦਾਊਦ ਦੇ ਡੇਰੇ ਨੂੰ ਜਿਹੜਾ ਵਿਰਾਨ ਪਿਆ ਹੋਇਆ ਸੀ, ਫਿਰ ਤੋਂ ਬਣਾਵੇਗਾ। ਉਸਦੇ ਦੂਸਰੀ ਵਾਰ ਆਉਣ ਤੋਂ ਪਹਿਲਾਂ, ਪ੍ਰਭੂ ਚਾਹੁੰਦਾ ਹੈ ਕਿ ਪ੍ਰਮੇਸ਼ਵਰ ਦੇ ਬੱਚਿਆਂ ਉੱਤੇ ਆਰਾਧਨਾ ਦਾ ਮਸਹ ਹੋਵੇ। ਉਹ ਉਨ੍ਹਾਂ ਨੂੰ ਜ਼ਰੂਰ ਖੜ੍ਹਾ ਕਰੇਗਾ, ਜਿਹੜੇ ਦਾਊਦ ਦੀ ਵਿਰਾਸਤ ਦੇ ਵਜੋਂ ਉਸਦੀ ਉਸਤਤ, ਆਰਾਧਨਾ ਅਤੇ ਆਦਰ ਕਰਨਗੇ।

ਪ੍ਰਭੂ ਦਾ ਆਉਣਾ ਨੇੜੇ ਹੈ। ਇਸ ਲਈ, ਮਸੀਹ ਦੀ ਦੁਲਹਣ ਹੋਣ ਦੇ ਨਾਤੇ, ਤੁਹਾਨੂੰ ਉਸਦੇ ਅੱਗੇ ਖੁਸ਼ੀ ਦੇ ਗੀਤਾਂ ਅਤੇ ਨੱਚਣ ਦੇ ਨਾਲ, ਉਸਤਤ ਅਤੇ ਆਰਧਨਾ ਦੇ ਨਾਲ ਅਤੇ ਆਪਣੇ ਦਿਲ ਵਿੱਚ ਖੁਸ਼ੀ ਦੇ ਨਾਲ ਜਾਣਾ ਚਾਹੀਦਾ ਹੈ। ਤੁਹਾਨੂੰ ਉਦਾਸ ਚਿਹਰੇ ਅਤੇ ਅਸੰਤੁਸ਼ਟੀ ਦੇ ਨਾਲ ਨਹੀਂ ਪਾਇਆ ਜਾਣਾ ਚਾਹੀਦਾ ਹੈ।

ਪਰਮੇਸ਼ੁਰ ਦੇ ਬੱਚਿਓ, ਇਨ੍ਹਾਂ ਆਖ਼ਰੀ ਸਮਿਆਂ ਵਿੱਚ, ਯਹੋਵਾਹ ਖੁਸ਼ੀ ਦੇ ਤੇਲ ਨਾਲ, ਅਤੇ ਤੁਹਾਡੇ ਦਿਲ ਵਿੱਚ ਅਨੰਦ ਦੇ ਨਾਲ ਤੁਹਾਡਾ ਮਸਹ ਕਰਨ ਦੇ ਲਈ ਉਤਸੁਕ ਹੈ। ਉਹ ਜ਼ਰੂਰ ਹੀ ਦਾਊਦ ਦੇ ਡੇਰੇ ਨੂੰ ਮੁੜ ਸਥਾਪਿਤ ਕਰੇਗਾ।

ਅਭਿਆਸ ਕਰਨ ਲਈ – “ਪਹਾੜਾਂ ਉੱਤੇ ਇੱਕ ਰੌਲ਼ੇ ਦੀ ਅਵਾਜ਼ ਸੁਣੋ, ਜਿਵੇਂ ਵੱਡੀ ਭੀੜ ਦੀ, ਰਾਜ ਰਾਜ ਦੀਆਂ ਕੌਮਾਂ ਦੇ ਇਕੱਠ ਦਾ ਸ਼ੋਰ”(ਯਸਾਯਾਹ 13:4)।