Feb 14 – Lily phul!

Song of Solomon 2:2 Lily phul nishina bishi kata majete, inika hi ase ami laga morom chukri khan majote.

Lily tu ekta bishi alag phul ase hazar phul khan laga majete. Ini bi itu phul laga gun tu dos bis feet age pora bi gundhabole pai. Holebi juntu khan ke kata pora uthai tai khan tu aro bi bishi dur pora bi gun pabole pare.

Ekta biswasi thakishe jun hi bishi bhal kam thakishe ekta alag desh te, hoilebi tate Christian biswasi hua tu mana ase. Tai ekta lukai kene prathana kura laga group cholai thakishe. sorkar pora itu group laga kotha jani loishe aru taike arrest kuri she aru jail te hali dishe jote tai bishi poraikha laga samna kuribole ulaishe. Utu homoi te itu manu bishi isor ke Biswas kuribole ulaishe aru prathana bi bishi kure age pora.

Jitya tai prathana kure tai laga jail karma tu isor laga atma pora hi bhorta hoi kene thake. Tai laga muk tu ujala hoi jitya bi tai pobitro atma pora bhorta hoi aru isor pora taike alaga basha pora kotha koi. Tai laga prathana pora hi utut jail laga dangor manu khan bi hune. Itu ekta achurit thaka pora bi sorkar pora tai laga case te joldi release kuribo koi kene faisla kurishe. Aru taike chari dishe, tai poila pora bi aru bishi tagot hoi kene ulaishe.

Bishi phul laga majete bi isor pora duita bhag bonaishe phul juntu din te phule gulab nishina aru phul juntu rati te bi phule lily nishina, itu nishina hi biswasi khan ke duita bhag kuribo pare. Ekta jun khan  din te ujala te Biswas kure aru dusra jun khan tai ke andhera te bi lukai kene Biswas kure.

Aru utu 12 ta chela khan ke jisu pora chuni she jun khan din te Biswas kure. Aru nicodemus  aru joseph of Arimathea jun khan lily nishina rati te bi phule.

Aji laga homoi te isor laga girja duita hisab te chole. Ekta girja junke sob pora jane. Aru dusra tu hoile lukai kene chola girja. Apuni khan jun girja laga hoilebi nijor ke lily nishina dukh aru andhera laga homoi te bi isor ke nacharibi. Aru tai karone hodai din rati phulibi.

 Aji bhabn kuribole laga pobitro kotha tu hoile song of Solomon 2:13 dimoru gash pora tai laga hara dimoru ane, aru angur laga gash angur  ane juntu mitha gun diye. Uthibi ami laga morom,  aru ahibi ami logote.