Feb 12 – MANNEMAR SHANTHGUN

Gener vaath 14:2 Saspanethi chalevalo Yehovathi chamkacha; pan vor khathar avaju banchevalo vona yinkar karacha.

Kannai shanther jeevano banchanu.  Kunas thara vagath avathoi thar mathen vunch pader sthanen gamalamath. Thu masaj haptha parabhathi vutan kaikaiko chavnu kan araj kidochikaiko pan abbethethi mannema shath renukan arajkarer seekla. Prabhu mar jeevanema kunas tharar vela bhaveti avathoi shanthethi bancher jeevano manna da kan puchlenu.

Yek admir mannemar shanthi hanuj revachakaiko kan kuni vor bhavishya kerveni. Thodsek admi vunder shanthgunen bhulajavatho ballavathey karukaracha. Ajji thodsek ajjekeper ladai marenaj jathani rees ayichkatho vo vagathema ajji vegi vu dusar manikyan marnaacha, vorpach athra rees manna kankren ayichkan haayi karthey soskaracha.

Dev Mosethi  ,”thu  Yisraelvaler ankkr mundagaj vu bhatathi vathey kar, jana vu bhatamathi paani avacha” kan ko. Atho Mosey Dever vath maneniju ann mannema shanthgun chenijethi Yisraeleval thameniju puchretho vathkarer chodan bhatan maro.

Yerpach Moser gathi kai veechko malamka, Devaj sogan khan dinojako Canaanema jayervikoni, Mosey masaj haptha Deven nora kidothoi vo deshema kannai javanaju karnako kan dekacha.

Bibilema ajjek Uzziya kajako Rajen dekacha,vorema ayijako garabethi Balipeetameper Pavitharethi reval Yajak chodatho kuni karnu koni karnu Koni jako bhokano dinotho vu marajethanu koder rogethij rethanu Margo. Asso thar mannema shanth gun cheniju rer kunsi vagath avathoi agediya thu Dever pagema godi valan araj karlenu vu thara badia tharema na avanukan.

Hanuj Bibilema Pethru sada mannema shanth gun gamalen Pradhan yajaker baya Malkur kaan katnakotho Yesu baapu vu kaanen padan Malkur kanerjag chutadan varu karnako. Jerpach Pethrun ko thar thalvar thar jholima gallaken.

Mar Dever premevalavo thon assa badai Ann garaber vela avatho agethi vothethi dhasan thar arjakarer roomema jaan jayamer prarthana karnu jannaj thu yesey ballakamethi bharpadechi. Ajji jada dhyan karen pado

Gener vath 16:13 Niyather hot Rajen anand vacha; niyathethi vathey karajena Raj prem karacha.