Feb 11 – Bafadari!

Proverbs 10:9 tai jun hi bafadari te berai tai berai bachi kene, hoilebi tai jun hi ultai nijor laga rasta ke janibo sob.

Pura kitab proverbs laga dikhai kinika bafadari te berabo lage. Ki ase bafadari? Ini saile, ami khan dikhe bafadari tu hosa thaka logote ulai. Bafadari tu ekta adot ase ji mane pura, Biswas kuribo para aru dagi nathaka pobitro ta. Ekta gun jote iku misa nai-ekta gun juuntu hosa aru pobitro ke dikhai.

Apuni khan phal pabo bhal adot khan laga jun khan bafadari te thake. Tai khan  kitya bi manu khan ke dhoka nadibo aru misa nakobo. Tai khan gyani thakibo aru jibon laga sob homoi te bafadari laga rasta te hi berabo.

Isor inika hi amikhan laga jibon pora bi akha kure. Noah tu ekta hosa manu thakishe, thik thakishe tai khan lag homoi te, hoilebi dusra khan tu pa p aru galti rasta te hi thakishe. itu karone noah ke isor morom kurishe (genesis 6:8).

Isor dikhishe noah lag homoi te manu khan bishi biya thakishearu tai khan laga mon tu biya pra hi bhorta thakishe. isor itu karone sob khan ke khotom kuri dibole mon thkaishe itu prithibi pora. Hoilebi noah laga bafadari aru hosa pora hi tai laga parivar khan isor laga khong pora bachishe. Inika nishina hi Abraham ke isor pora mati kene koishe:ami isor Jehovah ase; ami logote berabi aru dagi nathakibi. Genesis 17:1.

Junkhan koi alag aru kure alag tai khan kityabi bafadari laga  jibon thakibole naparibo. Bishi ase jun khan ki prachar kure itu te berabole napare.itu kile koile taikhan laga jibon te bafadari laga adot nai. ekta manu thakisshe jun hi manu khan lagaa sadi kurai diye hoilebi tai nijor laga sadi tu biya hoishe kilekoile tai bafadar thakanai hosa thakanai.

Bishi dimag bhal kora psychotherapist bi ase jun khan nijor laga dukh te khara kuribole napari kene suicide kure. Itu kile koile tai khan laga jibon te  iku bi hosa nai aru tai khan bafadar nahoi misa laga rasta te  hi b]erai. manu kiman pura llikha kurile bi tai khan laga jibon te hosa aru bafadari nai koile iku kam laga jibon nahoi. khali Hosa thaka manu ke hi amikhan Biswas kuribo pare.

Isor laga bacha khan, judi apuni nijor laga jibon ke tagot hobo dibo mon ase, apuni khan mon  te bhabna kuri lobo lage ki apuni khan bi hosa thaka ru bafadar thaka lga jibon hi thakibo manu laga suku te bi aru isor laga suku te bi. Khali hosa thaka laga jibonte hi tagot laga jibon hoi.

Aji  bhabna kuribole laga pobitro kotha tu hoile Deuteronomy 18:13 apuni dagi nathaka hobo isor apuni laga jehovJehovahe.