Feb 10 – Bishi hobo!

Proverbs 9:11 dimag apuni ke jibon dibo aru bishi lamba umor dibo!

Sob notun din tu hoile ekta bhal uphar ase isor pora. Sob homoi phujir pora rati tok bi amikhan karone bhal uphar ase Jehovah pora. Itu karone, apuni khan isor laga mahima aru shevah kuribo lage isor ke utha logote.

Jitya apuni din shuru kure isor ke mahima kuri kene, apuni jani bo kinika apuni lag adin tu bodli hoi ashirbad te. Apuni dikhi bo achanak pora kinika apuni laga digdar aru dukh khan gherav kuri kene thaka tu apuni pora alag hoi, aru apuni mehsus hobo kinika apuni biya aru andhera pora ujala te ahishe.

Tai thaka laga , tai laga Shakti aru khemai apuni logote sob homoi ase. Bhabi saile ekta din te 24 ghanta thake adha rati pora shuru hoi kene. Hoilebi Hebrew manu khan karone, tai khan laga din shuru hoi ekta sham pora dusra sham tok.

Jinika pora homoi keg inti kuri le bi, isor pora kosom dishe apuni logote sob din te thakibo ses homoi tok. Tai apuni logote thakibo sob homoi te apiuni laga jibon te. Itu karone tai usorte thaka tu mehsus kuribi apuni laga  jibon te.

Pastor paul Yonggi Cho sob din ke ekta nam diye aru Biswas kure ki itu ekta kosom ase  isor laga pabole koi kene. Mani lobi, tai ekta din ke pobitro mane aru isor ke dhonyabad kure aru mahima kure isor laga tai laga pobitrota karone. Tai dusra din ke prathana laga din koi aru pura din prathana kuri thake. Aru dusra  din ke khemai laga din koi aru. Aru inika hi tai sob din ke notun nam  di kene khushi te thake.

David bi inika hi sob din ke notun nam di thakishe. tai sob din ke isor laga morom aru khemmai koi thakishe. tai  anondo hoi kene koi thake ki isor laga morom hodai din tai logote thakibo, aru hodai itu hi akha kuri thake. Apuni khan bi isor logote achurit kam khan akha kuri thakibo pare. Kile koile tai apuni logote ase.

Isor laga bacha khan, jinika prithibi suraj laga gherav te ghuri thake, apuni khan bi inika nijor laga jibon tu isor laga kotha pora gherav kuri kene thakibi apini laga jibon laga sob din te. Titya hi apuni uthi kene isor karone chamki bole paribo.

Aji bhabn kuribole laga pobitro kotha tu hoile psalms 118:24 apuni ki hiakiase  itu khan amike khushi  diye, itukhan hi ami ke bujai thake.