Appam - Manipuri

Feb 10 – YAMKHAT HANGANI !

“maramdi eigi mapanna nahakki punshi nungsanggani,aduga nahakki chahi sing tinsinbigani.” (Proverbs 9: 11)

Anouba numit khuding asi Iswargi thoujalgi mapanna phangba khudol ni. Ayuk ngantadagi ahing nongyaiphao leiriba mit kut khuding, pungja khuding asi Iswarna eikhoida piribani. Aduna nahakna hek hougatpada Iswar thagatpa haibasi toudaba yadaba amani..

Nahakna nongmagi ahouba da Iswar thagatpada hourabadi  numittuda bor kaya phangge haiba nahakna khanggani. Nahakki aruba awaba kayabu nangondagi louthokpagumna ugani, aduga nahakna amamba dagi mangal da changbagumna ugani.

Mahakki loinabiba, mahakki thoujal amadi mahakki panggalna nahakpu matam leiba khibikta loinabi. Eikhoi mayamna khangba adudi nongma haibasi ahing nongyaidagi houraga pung kun mari oiribani. Adubu Hebrewgi misinggi damaktadi nongma haibasi nungmidang amada gi mathang numitki nungmidang phao adu masing thiraga nongma subani.

Matam asi karamna masing thibage haibadudi maru oiba natte , maru oiriba adudi Iswarna nahakpu  mitkup khuding pungja khuding amadi aroiba phaoba loinabi haibasini. Aduna haijare hairaga nahakna Iswargi loinabiba adu phangjahouro.

Pastor Paul Yonggi Cho, aduna  anouba  numit khuding asi maming thollaga madusing adu Iswarna eikhoigi damakta wasakpiba sing aduni haina phongdoklami. Khudam oina anouba numit amadu mahakna maming “asengba”haina mingthol pigani, aduga asengba lomda mahakna henna changsingani. Mathang gi numit adu “Haijabagi numit” haina mingthol pigani,aduga madugi numit chuppa mahakna haijabada matam pithokkani. Aduga atoppa numit aduna thoujal gi numit oina maming thongani. Mahakna numit khuding adu anou anouba mingthol piduna  haraona leiba  ngamgani.

Psalmist Davidnasu madugumna numitsing asi maming thonbigani.  Mahakna anouba numit khuding adu “aphaba amadi thoujal” haina maming thongani. Mahakna aphba amadi thoujalna mahakpu mahakki punshi aroiba phaoba chingbigani, haina phongdoklami. Aduga madu numit khuding phanggani haina asa thamkhi. Nahaknasu Iswardagi aphaba ppotsing asa thamgadabani. Maramdi mahakna nahakpu loinari.

Iswargi machasing, prithibina numitki ako;ibada koibagumna nahakki punshi gi khwaidagi maru oiba pandam adu Iswargi akoibada unglaga leiba asi oihalllu. Adu oirabadi Iswargi damakta nahakna nganthoiba ngamgani.

Dhyan tougadaba: “masigi numit asi Iswarna sembiba numit aduni,eikhoina masida harao nungaigani.” (Psalm 118: 24).

Leave A Comment

Your Comment
All comments are held for moderation.