Jan 31 – Thik Krista te!

Ephesians 4:13 inika pora amikhan sob milikene biswaste ekta hoi jabo, aru Isor laga chokra ke thik pora buji bo; amikhan sob dangor manu hoijabo aru Krista tok punchibo.

Jitya apuni dangor hobo Krista tok punchibole, titya apuni ekta thik manu hoi jabo. Aru Isor Jisu Krista hi itu laga gawahi hoi jabo apuni thik ase koi kene dikhai dibole. Pobitro kothate te koi luke 2:52 jisu laga budhii dangor thakishe, isor Jehovah laga agete aru manu laga agete.

Poila tai bidhi te barhishe. Pobitro kotha te sapha pora oi kene ase ki Ior ke bhoi kora hi budhi laga shuruwat ase. Job pora koi: ‘thakibi, isor laga bhoi  hi budhi ase, aru biya pora alag hoi ja hi buja laga ase” job 28:28. Ekta chutu kam kuribole nimite bi apuni khan ke budhi hi lage. Pobitro kotha te koi: kilekoile Isor ppora hi budhi diye; tai laga mukh pora hi gyan ulai aru buja laga:tai rakhe bhal budhi hosa manu karone”proverbs 2:6-7.isor jisu krista nishina hi apuni khan bi dangor hobo lage aru barhi jabo lage isor laga budhi te.

Dusra tu hoile, jisu budhi te dangor hoishe. Itu icha ase isor laga hi ki apuni khan bi jolpahi laga gash nishina dangor hobo lage. Tai amikhan atma te dangor hoikene utha tu khushi pai. Tai kiman bi anondo pai amikhan atma te uthi ja tu aru kitya apuni khan pobitro atma laga phal khan pai, jitya prathana laga atma pai aru apuni nijor laga gawahi mannu khan ke diye.

Tisra tu hoile, jisu baba Jehovah laga kotha te hi berai she. Jitya apuni bi nijor ke nomro kori kene isor laga agete aru manu laga agete berabo, isor pora hi apunike thik khemai aru morom laga rasta te loi jabo. Amikhan apostle paul laga gawahi puribole pai 1 timothy 1:14 aru khemai Isor laga bishi bhorta thakishe, Biswas te aru morom  te juntu jisu krista logote thakishe.

Aru chautha tu hoile jisu uthishse manu laga morom nimite. Bishi isosr laga bacha khan, manu nimite khara kura ke hude. Ami khan laga jisu krista bi, mary laga hohai lagishe, tai ke manabole aru pet te bukibole nimite. Tai nijor laga chela khan laga hohai lagishe tai logote kam kuribole aru siro laga kotha koikene berabole. Tai machawara khan laga hohai bi lagishe nau te khara kuri kene prachar kuribole. Itu karone, kityabi manu laga morom nalagibo inika bhaban nakuribi. Isor tu manu pora apuni ke morom lagaibole rasta khuli dibo.

Isor laga bacha khan, judi apuni thik manu hobole mon jai, krista ke loi kene bhorta hobole, apuni khan dangor hoi jai thakibo lage atma te budhi te, gyan te, morom te isor laga.

Aji bhaban kuribole laga pobitro kotha tu hoile: james 1:5 judi kunuba  budhi te kom hoi, mangibole dibi taike Isor logote, jun pora hi khushi pora diye iku nabhabi kene, aru itu apunike dibo.”