Jan 31 – CHRISTHUMA PURO VADDER

Ephesivalun 4:11Apan sey Dever Betaparer viswaseman, genema yekven, Christhuma puro vadder leker nai.

Thu kanna Christhuma puro vadder soskarechiko jannaj bharpur manikyar nai vadechi. Hanu badalavni vevnu katho apanen Yesu Chtisthuj madiri. Luka 2:52, Yesu geneman, vumareman, Deveran, manikyar dayama jadaan jada vaddatho ra.

Agediya Yesu genema vaddatho ra kan dekacha. Deven chamkeraj genen adhar. Yobu sada 28:28 vachanema kacha, Deven chamkeraj genen adhar; mando kamethi chetijayeroj kalavanin adhar. Yek nankis kaam karnukathoi gen chavnulagacha. Gener vath 2:6-7 Yehovaj gen dacha Vormundethi akkalan, Kalavni avacha. Vu niyatheydharena saas genena golakaran rakadmelocha;saas vatema chalevalena vu daal cha. Jethi Yesu Chtisthur nai thu sada genema vaddanu.

Deemo Yesu vumarema vaddotho kan dekacha. Olivar panedakal thu vumarema vaddan avnu kan Dever asa. Deven thar athmik jeevanema vaddan avnu kan ghano asa karacha. Thu athmik jeevanema vaddan, prarthana karer Athmathi bharan ajjeken achkhabarena kethani Dever dai laayevalo rastho ajji jada khushi karacha.

Theenmo Yesu Chtisthu Dever dayama jadaan jada vadatho rakan dekacha. Thu kanna Dever dayama ann manikyar dayama vaddechiko jana Dever krupana palechi. 1Timothy 1:14 vachanema Apostler Paul kacha, Apaner Prabhur krupa Christhu Yesuparer viswasethin, premathi marmayi bharpur bad for. Charmo  Yesu Chtisthu manikyar dayama vaddotho kan dekachadekacha. Manikyar dayama vaddervadi masaj admi savaal puchukaracha. Apaner Prabhu Yesu  Mariyar petema  pedavensada Mariyar daya paler chavnu lagithi.

Dever rajyam bhandervasu Yesur chelavur vadithi Yesu vumper daya chavnu lagithi. Samundarer vacha vodam chadan Dever vathen kesaru vu vodar machali pakader daya chavnu lagithi. Jethi manikyar dayan palajema kannai naanki ankithi deknu koni. Devaj manikyar dayan pavaju karacha.

Mar premevalavo thu Christhur dakal  bharpur vaddanu katho genema, vumareman, Dever dayama, Ann manikyar dayama vaddotho renu.