ਜਨਵਰੀ 10 – ਨਵੇਂ ਫਲ!

“ਦੂਦਾਂ ਫਲ ਸੁਗੰਧ ਦਿੰਦੇ ਹਨ ਅਤੇ ਸਾਡੇ ਦਰਵਾਜ਼ਿਆਂ ਉੱਤੇ ਸਾਰੇ ਮਿੱਠੇ ਫਲ ਹਨ, ਨਵੇਂ ਅਤੇ ਪੁਰਾਣੇ ਵੀ। ਹੇ ਮੇਰੇ ਬਾਲਮ, ਮੈਂ ਉਨ੍ਹਾਂ ਨੂੰ ਤੇਰੇ ਲਈ ਇਕੱਠਾ ਕੀਤਾ ਹੈ”(ਸਰੇਸ਼ਟ ਗੀਤ 7:13)।

ਸਾਡਾ ਪ੍ਰਭੂ ਸਭ ਕੁੱਝ ਨਵਾਂ ਬਣਾਉਂਦਾ ਹੈ। ਉਹ ਉਨ੍ਹਾਂ ਨੂੰ ਜਿਹੜੇ ਫਲ ਤੋਂ ਰਹਿਤ ਜੀਵਨ ਬਤੀਤ ਕਰ ਰਹੇ ਹਨ, ਉਨ੍ਹਾਂ ਨੂੰ ਫਲਦਾਇਕ ਵਿੱਚ ਬਦਲ ਦਿੰਦਾ ਹੈ। ਅਤੇ ਕੌੜੇ ਫਲ ਦੇਣ ਵਾਲਿਆਂ ਨੂੰ ਮਿੱਠੇ ਅਤੇ ਸੁਆਦਲੇ ਫਲ ਦੇਣ ਵਾਲਿਆਂ ਵਿੱਚ ਬਦਲ ਦਿੰਦਾ ਹੈ।

ਕਲਪਨਾ ਕਰੋ ਕਿ ਤੁਸੀਂ ਆਪਣੇ ਬਾਗ਼ ਵਿੱਚ ਫਲ ਦੇਣ ਵਾਲੇ ਰੁੱਖਾਂ ਦੇ ਪੌਦਿਆਂ ਨੂੰ ਲਗਾਉਂਦੇ ਹੋ। ਤੁਸੀਂ ਜ਼ਮੀਨ ਤਿਆਰ ਕਰੋਂਗੇ, ਪੌਦੇ ਲਗਾਓਗੇ, ਪੌਸ਼ਟਿਕ ਤੱਤ ਪ੍ਰਦਾਨ ਕਰੋਂਗੇ, ਉਨ੍ਹਾਂ ਨੂੰ ਪਾਣੀ ਦੇਵੋਂਗੇ ਅਤੇ ਉਨ੍ਹਾਂ ਦੀ ਚੰਗੀ ਦੇਖਭਾਲ ਕਰੋਂਗੇ। ਕੁੱਝ ਸਾਲਾਂ ਵਿੱਚ, ਉਹ ਪੌਦੇ ਮਜ਼ਬੂਤ ​​ਰੁੱਖ ਬਣ ਜਾਣਗੇ ਅਤੇ ਫਲ ਦੇਣਾ ਸ਼ੁਰੂ ਕਰ ਦੇਣਗੇ। ਅਤੇ ਉਹਨਾਂ ਫਲਾਂ ਵਾਲੇ ਰੁੱਖਾਂ ਨੂੰ ਦੇਖ ਕੇ, ਤੁਹਾਡੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਹੋਵੇਗੀ। ਤੁਸੀਂ ਆਪਣੇ ਰੁੱਖ ਦੇ ਫਲ ਨੂੰ ਹੋਰ ਫਲਾਂ ਦੀ ਤੁਲਨਾ ਵਿੱਚ ਖਾਣ ਵਿੱਚ ਜ਼ਿਆਦਾ ਖੁਸ਼ੀ ਮਹਿਸੂਸ ਕਰੋਂਗੇ।

ਇਸੇ ਤਰ੍ਹਾਂ, ਪ੍ਰਮੇਸ਼ਵਰ ਵੀ ਤੁਹਾਡੇ ਤੋਂ ਫਲ ਦੇਣ ਦੀ ਉਮੀਦ ਕਰਦੇ ਹਨ। ਜਦੋਂ ਇੱਕ ਬਾਗ਼ ਦੇ ਵਿਚਕਾਰ ਇੱਕ ਹੰਜ਼ੀਰ ਦੇ ਰੁੱਖ ਵਿੱਚ ਫਲ ਨਹੀਂ ਲੱਗ ਰਹੇ ਸੀ, ਤਾਂ ਮਾਲਕ ਚਾਹੁੰਦਾ ਸੀ ਕਿ ਰੁੱਖ ਨੂੰ ਕੱਟ ਦਿੱਤਾ ਜਾਵੇ। ਨਿਆਂ ਦੇ ਸਮੇਂ ਕੁਹਾੜੀ ਨੂੰ ਰੁੱਖ ਦੀ ਜੜ੍ਹ ਦੇ ਕੋਲ ਰੱਖਿਆ ਜਾਂਦਾ ਹੈ। ਪਰ ਸਿਰਫ਼ ਇਸ ਲਈ ਕਿ ਬਾਗ਼ ਦੇ ਰੱਖਿਅਕ ਨੇ ਮਾਲਕ ਨੂੰ ਬੇਨਤੀ ਕੀਤੀ, ਉਸਨੇ ਉਸ ਰੁੱਖ ਦੇ ਲਈ ਇੱਕ ਸਾਲ ਹੋਰ ਸਮਾਂ ਦਿੱਤਾ। ਰੁੱਖ ਜ਼ਰੂਰ ਹੀ ਨਾਸ਼ ਹੋਣ ਤੋਂ ਬਚ ਗਿਆ, ਸਿਰਫ਼ ਇਸ ਲਈ ਕਿ ਉਹ ਰੁੱਖ ਅੰਗੂਰੀ ਬਾਗ਼ ਦੇ ਵਿੱਚ ਸੀ ਅਤੇ ਰੱਖਿਅਕ ਦੀ ਬੇਨਤੀ ਦੇ ਕਾਰਨ।

ਪਰ ਜੇਕਰ ਰੁੱਖ ਸੜਕ ਦੇ ਕਿਨਾਰੇ ਹੁੰਦਾ, ਤਾਂ ਕੋਈ ਵੀ ਮਾਲੀ ਉਸ ਦੇ ਲਈ ਬੇਨਤੀ ਕਰਨ ਦੇ ਲਈ ਨਹੀਂ ਹੁੰਦਾ। ਜਦੋਂ ਪ੍ਰਭੂ ਨੇ ਕਿਹਾ, “ਅੱਜ ਤੋਂ ਬਾਅਦ ਤੈਨੂੰ ਕਦੀ ਫਲ ਨਾ ਲੱਗੇ ਅਤੇ ਹੰਜ਼ੀਰ ਦਾ ਦਰਖ਼ੱਤ ਸੁੱਕ ਗਿਆ। “ਪਰ ਤੁਸੀਂ ਉਸ ਬਿਰਛ ਵਰਗੇ ਹੋ, ਜਿਹੜਾ ਪਾਣੀਆਂ ਦੀਆਂ ਨਦੀਆਂ ਉੱਤੇ ਲਾਇਆ ਹੋਇਆ ਹੈ, ਜਿਹੜਾ ਰੁੱਤ ਸਿਰ ਆਪਣਾ ਫਲ ਦਿੰਦਾ ਹੈ, ਜਿਸ ਦੇ ਪੱਤੇ ਨਹੀਂ ਕੁਮਲਾਉਂਦੇ, ਅਤੇ ਜੋ ਕੁਝ ਉਹ ਕਰੇ ਉਹ ਸਫ਼ਲ ਹੁੰਦਾ ਹੈ”(ਜ਼ਬੂਰਾਂ ਦੀ ਪੋਥੀ 1:3)।

ਪਵਿੱਤਰ ਸ਼ਾਸਤਰ ਸਾਨੂੰ ਦੱਸਦਾ ਹੈ, “ਨਾਲੇ ਦੇ ਨੇੜੇ ਉਹ ਦੇ ਦੋਨਾਂ ਕੰਢਿਆਂ ਤੇ ਹਰ ਪ੍ਰਕਾਰ ਦੇ ਮੇਵੇ ਵਾਲੇ ਰੁੱਖ ਉੱਗਣਗੇ, ਜਿਹਨਾਂ ਦੇ ਪੱਤੇ ਕਦੇ ਨਾ ਸੁੱਕਣਗੇ ਅਤੇ ਜਿਹਨਾਂ ਦੇ ਮੇਵੇ ਕਦੇ ਨਾ ਮੁੱਕਣਗੇ। ਉਹਨਾਂ ਨੂੰ ਹਰ ਮਹੀਨੇ ਨਵੇਂ ਮੇਵੇ ਲੱਗਣਗੇ, ਕਿਉਂ ਜੋ ਉਹਨਾਂ ਨੂੰ ਉਹ ਪਾਣੀ ਲੱਗਦੇ ਹਨ, ਜਿਹੜੇ ਪਵਿੱਤਰ ਸਥਾਨ ਵਿੱਚੋਂ ਨਿੱਕਲਦੇ ਹਨ ਅਤੇ ਉਹਨਾਂ ਦੇ ਮੇਵੇ ਖਾਣ ਲਈ ਅਤੇ ਉਹਨਾਂ ਦੇ ਪੱਤੇ ਦਵਾਈ ਦੇ ਕੰਮ ਆਉਣਗੇ”(ਹਿਜ਼ਕੀਏਲ 47:12)।

“ਪਰ ਆਤਮਾ ਦਾ ਫਲ ਇਹ ਹੈ – ਪਿਆਰ, ਅਨੰਦ, ਸ਼ਾਂਤੀ, ਧੀਰਜ, ਦਿਆਲਗੀ, ਭਲਿਆਈ, ਵਫ਼ਾਦਾਰੀ, ਨਰਮਾਈ, ਸੰਜਮ। ਇਹੋ ਜਿਹੀਆਂ ਗੱਲਾਂ ਦੇ ਵਿਰੁੱਧ ਕੋਈ ਬਿਵਸਥਾ ਨਹੀਂ ਹੈ”(ਗਲਾਤੀਆਂ 5:22,23)। ਪ੍ਰਮੇਸ਼ਵਰ ਦੇ ਬੱਚਿਓ, ਪ੍ਰਮੇਸ਼ਵਰ ਦੀ ਇੱਛਾ ਹੈ ਕਿ ਤੁਸੀਂ ਆਪਣੇ ਜੀਵਨ ਵਿੱਚ ਆਤਮਾ ਦਾ ਫਲ ਦੇਖੋਂ।

ਅਭਿਆਸ ਕਰਨ ਲਈ – “ਸੋ ਅਸੀਂ ਉਹ ਦੇ ਦੁਆਰਾ ਉਸਤਤ ਦਾ ਬਲੀਦਾਨ ਅਰਥਾਤ ਉਨ੍ਹਾਂ ਬੁਲ੍ਹਾਂ ਦਾ ਫਲ ਜਿਹੜੇ ਉਹ ਦੇ ਨਾਮ ਨੂੰ ਮੰਨ ਲੈਂਦੇ ਹਨ, ਪਰਮੇਸ਼ੁਰ ਦੇ ਅੱਗੇ ਸਦਾ ਚੜ੍ਹਾਇਆ ਕਰੀਏ”(ਇਬਰਾਨੀਆਂ 13:15)।