ਜਨਵਰੀ 04 – ਪਹੁੰਚ ਦੇ ਨਵੇਂ ਸਾਧਨ!

“ਉਪਰੰਤ ਹੇ ਭਰਾਵੋ, ਜਦੋਂ ਸਾਨੂੰ ਯਿਸੂ ਦੇ ਲਹੂ ਦੇ ਕਾਰਨ ਪਵਿੱਤਰ ਸਥਾਨ ਦੇ ਅੰਦਰ ਜਾਣ ਦੀ ਦਲੇਰੀ ਹੈ। ਅਰਥਾਤ ਉਸ ਨਵੇਂ ਅਤੇ ਜਿਉਂਦੇ ਰਾਹ ਨੂੰ ਜਿਹੜਾ ਉਹ ਨੇ ਪੜਦੇ ਜਾਣੀ ਆਪਣੇ ਸਰੀਰ ਦੇ ਰਾਹੀਂ ਸਾਡੇ ਲਈ ਖੋਲ੍ਹਿਆ”(ਇਬਰਾਨੀਆਂ 10:19,20)।

ਪਰਮੇਸ਼ੁਰ ਦੇ ਕੋਲ ਤੁਹਾਡੇ ਲਈ ਪਹੁੰਚ ਦਾ ਇੱਕ ਨਵਾਂ ਸਾਧਨ ਹੈ ਜਿਹੜਾ ਸਦੀਪਕ ਜੀਵਨ ਦੇ ਵੱਲ ਲੈ ਜਾਂਦਾ ਹੈ। ਜਦੋਂ ਤੁਸੀਂ ਉਸ ਨਵੀਂ ਪਹੁੰਚ ਦੇ ਦੁਆਰਾ ਸਭ ਤੋਂ ਪਵਿੱਤਰ ਸਥਾਨ ਵਿੱਚ ਦਾਖਲ ਕਰਦੇ ਹੋ, ਤਾਂ ਤੁਸੀਂ ਆਪਣੀਆਂ ਅੱਖਾਂ ਨਾਲ ਪਰਮੇਸ਼ੁਰ ਦੀ ਮਹਿਮਾ ਨੂੰ ਦੇਖ ਸਕੋਂਗੇ ਅਤੇ ਉਸ ਦੀ ਮਹਿਮਾ ਵਿੱਚ ਵੱਧ ਸਕੋਂਗੇ।

ਪਹੁੰਚ ਦੇ ਇਸ ਨਵੇਂ ਸਾਧਨ ਨੂੰ ਪ੍ਰਦਾਨ ਕਰਨ ਦੇ ਲਈ, ਪ੍ਰਭੂ ਨੇ ਆਪਣੇ ਸਰੀਰ ਨੂੰ ਖੋਲ੍ਹ ਦਿੱਤਾ, ਜਿਹੜਾ ਕਿ ਪਰਦਾ ਹੈ। ਉਸੇ ਸਮੇਂ ਜਦੋਂ ਉਨ੍ਹਾਂ ਦਾ ਸਰੀਰ ਸਲੀਬ ਉੱਤੇ ਚੜ੍ਹਾਇਆ ਗਿਆ ਸੀ, ਤਾਂ ਹੈਕਲ ਦਾ ਪਰਦਾ ਵੀ ਉੱਪਰ ਤੋਂ ਹੇਠਾਂ ਤੱਕ ਫਟਿਆ ਹੋਇਆ ਸੀ। ਇਸ ਦੇ ਦੁਆਰਾ ਪਵਿੱਤਰ ਸਥਾਨ ਅਤੇ ਅੱਤ ਪਵਿੱਤਰ ਸਥਾਨ ਦੇ ਵਿਚਕਾਰਲੇ ਦਰਵਾਜ਼ੇ ਨੂੰ ਹਟਾ ਦਿੱਤਾ ਗਿਆ ਸੀ। ਯਹੋਵਾਹ ਨੇ ਇਹ ਇਸ ਲਈ ਕੀਤਾ ਹੈ, ਤਾਂ ਜੋ ਤੁਸੀਂ ਅੱਤ ਪਵਿੱਤਰ ਸਥਾਨ ਤੋਂ ਪਰਮੇਸ਼ੁਰ ਦੀ ਮਹਿਮਾ ਨੂੰ ਪ੍ਰਾਪਤ ਕਰ ਸਕੋ, ਅਤੇ ਉਸ ਦੀ ਮਹਿਮਾ ਦਾ ਤਜ਼ਰਬਾ ਕਰ ਸਕੋ।

ਇੱਕ ਵਾਰ ਸਾਧੂ ਸੁੰਦਰ ਸਿੰਘ ਦੇ ਇੱਕ ਰਿਸ਼ਤੇਦਾਰ ਨੇ ਉਨ੍ਹਾਂ ਤੋਂ ਪੁੱਛਿਆ, “ਈਸਾਈ ਧਰਮ ਵਿੱਚ ਅਜਿਹਾ ਕੀ ਖ਼ਾਸ ਜਾਂ ਅਨੋਖਾ ਹੈ ਜਿਹੜਾ ਸਾਡੇ ਧਰਮ ਵਿੱਚ ਨਹੀਂ ਸੀ? ਜੇਕਰ ਤੁਸੀਂ ਇਹ ਦੱਸ ਸਕਦੇ ਹੋ, ਤਾਂ ਮੈਂ ਦਿਖਾ ਸਕਦਾ ਹਾਂ ਕਿ ਇਹ ਹੀ ਦਰਸ਼ਨ ਸਾਡੇ ਧਰਮ ਵਿੱਚ ਵੀ ਹੈ।” ਸਾਧੂ ਸੁੰਦਰ ਸਿੰਘ ਨੇ ਪੂਰੀ ਨਿਮਰਤਾ ਨਾਲ ਜਵਾਬ ਦਿੱਤਾ, “ਕੋਈ ਹੋਰ ਧਰਮ ਜਾਂ ਰਾਹ ਨਹੀਂ ਹੈ ਜਿਸ ਵਿੱਚ ਯਿਸੂ ਮਸੀਹ ਦਾ ਬੇਮਿਸਾਲ ਪਿਆਰ ਅਤੇ ਕੁਰਬਾਨੀ ਹੋਵੇ। ਉਸ ਦਾ ਮਾਸ ਪਰਦੇ ਦੇ ਵਾਂਗ ਫਟਿਆ ਹੋਇਆ ਸੀ ਅਤੇ ਉਸ ਨੇ ਪ੍ਰਮੇਸ਼ਵਰ ਤੱਕ ਪਹੁੰਚਣ ਦਾ ਇੱਕ ਨਵਾਂ ਅਤੇ ਮਹਿਮਾਮਈ ਸਾਧਨ ਖੋਲ੍ਹਿਆ ਹੈ। ਕੀ ਤੁਹਾਡੇ ਵਿਸ਼ਵਾਸ ਵਿੱਚ ਵੀ ਕੁੱਝ ਅਜਿਹਾ ਹੀ ਹੈ?” ਦੂਸਰਾ ਵਿਅਕਤੀ ਅਸਲ ਵਿੱਚ ਇਸਦਾ ਜਵਾਬ ਨਹੀਂ ਦੇ ਸਕਿਆ।

ਰਸੂਲ ਪੌਲੁਸ ਦੇ ਮੁੱਢਲੇ ਦਿਨਾਂ ਵਿੱਚ, ਪਰਿਵਰਤਨ ਹੋਣ ਤੋਂ ਪਹਿਲਾਂ, ਉਹ ਆਪਣੇ ਧਰਮ ਦੇ ਪ੍ਰਤੀ ਉਤਸ਼ਾਹੀ ਸੀ। ਅਤੇ ਆਪਣੇ ਧਾਰਮਿਕ ਸਿਧਾਂਤਾਂ ਦੇ ਲਈ ਉਸਦੇ ਉਤਸ਼ਾਹ ਦੇ ਅਧਾਰ ਉੱਤੇ, ਉਸਦੇ ਜੀਵਨ ਦਾ ਮਕਸਦ ਈਸਾਈਆਂ ਉੱਤੇ ਹਮਲਾ ਕਰਨਾ ਅਤੇ ਚਰਚਾਂ ਨੂੰ ਨਸ਼ਟ ਕਰਨਾ ਸੀ।

ਪਰ ਜਿਵੇਂ ਹੀ ਉਹ ਦੰਮਿਸ਼ਕ ਦੇ ਨੇੜੇ ਪਹੁੰਚਿਆ, ਪਰਮੇਸ਼ੁਰ ਦਾ ਚਮਕਦਾਰ ਚਾਨਣ ਉਸ ਉੱਤੇ ਚਮਕਿਆ। ਤਦ ਉਹ ਜ਼ਮੀਨ ਉੱਤੇ ਡਿੱਗ ਪਿਆ ਅਤੇ ਪੁੱਛਿਆ, “ਪ੍ਰਭੂ ਜੀ, ਤੁਸੀਂ ਕੌਣ ਹੋ?” ਪ੍ਰਭੂ ਦੇ ਨਾਲ ਉਸ ਇੱਕ ਮੁਲਾਕਾਤ ਨੇ ਪੌਲੁਸ ਦੇ ਨਜ਼ਰੀਏ ਅਤੇ ਜੀਵਨ ਨੂੰ ਪੂਰੀ ਤਰ੍ਹਾਂ ਨਾਲ ਬਦਲ ਦਿੱਤਾ, ਅਤੇ ਉਹ ਇੱਕ ਨਵਾਂ ਵਿਅਕਤੀ ਬਣ ਗਿਆ। ਉਹ ਹੀ ਹੱਥ ਜਿਹੜੇ ਪਹਿਲਾਂ ਚਰਚਾਂ ਨੂੰ ਤਬਾਹ ਕਰਨ ‘ਤੇ ਤੁਲੇ ਹੋਏ ਸੀ, ਹੁਣ ਚਰਚਾਂ ਨੂੰ ਵਧਾਉਣ ਵਾਲੇ ਹੱਥ ਬਣ ਗਏ ਹਨ। ਅਲੱਗ-ਅਲੱਗ ਕਲੀਸਿਯਾਵਾਂ ਨੂੰ ਵੱਖ-ਵੱਖ ਪੱਤ੍ਰੀਆਂ ਲਿਖਣ ਦੇ ਲਈ ਪ੍ਰਭੂ ਨੇ ਸ਼ਕਤੀਸ਼ਾਲੀ ਰੂਪ ਨਾਲ ਉਸਦਾ ਇਸਤੇਮਾਲ ਕੀਤਾ।

ਪ੍ਰਮੇਸ਼ਵਰ ਦੇ ਬੱਚਿਓ, ਤੁਹਾਡੇ ਦਿਲ ਵਿੱਚ ਖੁਸ਼ੀ ਦੇ ਨਾਲ ਪਹੁੰਚ ਦੇ ਨਵੇਂ ਸਾਧਨਾਂ ਵਿੱਚ ਅੱਗੇ ਵੱਧੋ, ਜਿਸਨੂੰ ਪ੍ਰਮੇਸ਼ਵਰ ਨੇ ਆਪਣੇ ਸਰੀਰ ਨੂੰ ਖੋਲ੍ਹ ਕੇ ਬਣਾਇਆ ਹੈ, ਉਹ ਹੈ ਪਰਦਾ।

ਅਭਿਆਸ ਕਰਨ ਲਈ – “ਹੇ ਭਾਈ ਸੌਲੁਸ, ਪ੍ਰਭੂ ਅਰਥਾਤ ਯਿਸੂ ਨੇ ਜੋ ਤੈਨੂੰ ਉਸ ਰਾਹ ਵਿੱਚ ਵਿਖਾਈ ਦਿੱਤਾ, ਜਿਸ ਤੋਂ ਤੂੰ ਆਇਆ ਸੀ, ਮੈਨੂੰ ਭੇਜਿਆ ਹੈ ਕਿ ਤੂੰ ਸੁਜਾਖਾ ਹੋ ਜਾਵੇਂ ਅਤੇ ਪਵਿੱਤਰ ਆਤਮਾ ਨਾਲ ਭਰ ਜਾਵੇਂ”(ਰਸੂਲਾਂ ਦੇ ਕਰਤੱਬ 9:17)।