ਦਸੰਬਰ 21 – ਯਹੋਵਾਹ ਮਹਾਨ ਹੈ!

“ਜਿਹੜਾ ਵੱਡੇ-ਵੱਡੇ ਅਥਾਹ ਕੰਮ ਅਤੇ ਅਣਗਿਣਤ ਅਚਰਜ਼ ਕਰਦਾ ਹੈ”(ਅੱਯੂਬ 5:9)।

ਜਦੋਂ ਤੁਸੀਂ ਆਮ ਹੁੰਦੇ ਹੋ, ਤਾਂ ਤੁਹਾਡੇ ਅੰਦਰ ਵੱਸਣ ਵਾਲਾ ਪ੍ਰਮੇਸ਼ਵਰ ਖ਼ਾਸ ਹੁੰਦਾ ਹੈ। ਉਹ ਚਮਤਕਾਰੀ ਹੈ ਅਤੇ ਮਹਾਨ ਚਮਤਕਾਰ ਕਰਦਾ ਹੈ।

ਪ੍ਰਮੇਸ਼ਵਰ ਚਮਤਕਾਰੀ ਅਤੇ ਮਹਾਨ ਕੰਮ ਕਰਦਾ ਹੈ ਕਿਉਂਕਿ ਉਹ ਦਿਆਲੂ ਅਤੇ ਕਿਰਪਾਲੂ ਹੈ। ਇਹ ਉਸਦਾ ਪਿਆਰ, ਦੇਖਭਾਲ, ਦਯਾ ਅਤੇ ਰਹਮ ਹੈ ਜਿਹੜਾ ਤੁਹਾਡੇ ਜੀਵਨ ਵਿੱਚ ਚਮਤਕਾਰ ਲਿਆਉਂਦਾ ਹੈ।

ਜਦੋਂ ਅੱਯੂਬ ਨੇ ਇਸ ਉੱਤੇ ਵਿਚਾਰ ਕੀਤਾ, ਤਾਂ ਉਹ ਹੈਰਾਨ ਹੋਇਆ ਅਤੇ ਖੁਸ਼ੀ ਭਰੇ ਮਨ ਨਾਲ ਪਰਮੇਸ਼ੁਰ ਦੀ ਉਸਤਤ ਕਰਨ ਲੱਗਾ ਅਤੇ ਕਹਿੰਦਾ ਹੈ, “ਜੋ ਅਜਿਹੇ ਵੱਡੇ-ਵੱਡੇ ਕੰਮ ਕਰਦਾ ਹੈ, ਜਿਹੜੇ ਅਥਾਹ, ਅਚਰਜ਼ ਅਤੇ ਅਣਗਿਣਤ ਹਨ”(ਅੱਯੂਬ 9:10)।

ਪ੍ਰਮੇਸ਼ਵਰ ਤੁਹਾਡੇ ਜੀਵਨ ਵਿੱਚ ਸਾਰੇ ਚਮਤਕਾਰ ਕਰਦਾ ਹੈ, ਕਿਉਂਕਿ ਇਹ ਹੀ ਉਸਦਾ ਚਰਿੱਤਰ ਹੈ ਅਤੇ ਇਹ ਉਸਦੇ ਨਾਮਾਂ ਵਿੱਚੋਂ ਇੱਕ ਹੈ। ਉਸਦਾ ਨਾਮ ‘ਅਚਰਜ਼ ਸਲਾਹੂ’ ਕਿਹਾ ਜਾਵੇਗਾ (ਯਸਾਯਾਹ 9:6)। ਇਹ ਹੀ ਕਾਰਨ ਹੈ ਕਿ ਉਹ ਆਪਣੀ ਦੁਨਿਆਵੀਂ ਸੇਵਕਾਈ ਦੇ ਦੌਰਾਨ ਹਰ ਜਗ੍ਹਾ ਅਚੰਭੇ ਅਤੇ ਚਮਤਕਾਰ ਕਰ ਰਿਹਾ ਸੀ। ਉਸਦੇ ਸਾਰੇ ਕੰਮ ਮਹਾਨ ਹਨ। ਅਜਿਹਾ ਅਦਭੁੱਤ ਪ੍ਰਮੇਸ਼ਵਰ ਤੁਹਾਡੇ ਜੀਵਨ ਵਿੱਚ ਵੀ ਮਹਾਨ ਚਮਤਕਾਰ ਕਰੇਗਾ।

ਜਿਵੇਂ ਕਿ ਤੁਸੀਂ ਪਵਿੱਤਰ ਸ਼ਾਸਤਰ ਪੜ੍ਹਦੇ ਹੋ, ਸਾਡੇ ਪ੍ਰਭੂ ਦੁਆਰਾ ਕੀਤੇ ਗਏ ਚਮਤਕਾਰਾਂ ਉੱਤੇ ਧਿਆਨ ਦਿਓ। ਜਦੋਂ ਉਸ ਨੇ ਕਿਹਾ ‘ਚਾਨਣ ਹੋ’ ਤਾਂ ਸੂਰਜ ਅਤੇ ਚੰਦਰਮਾ ਅਤੇ ਸਾਰੇ ਤਾਰੇ ਹੋਂਦ ਵਿੱਚ ਆ ਗਏ। ਜਦੋਂ ਉਸਨੇ ਤੂਫ਼ਾਨ ਨੂੰ ਝਿੜਕਿਆ, ਅਤੇ ਸਮੁੰਦਰ ਨੂੰ ਕਿਹਾ, ‘ਸ਼ਾਂਤ ਹੋ ਜਾ!’, ਤਾਂ ਤੂਫ਼ਾਨ ਰੁਕ ਗਿਆ ਅਤੇ ਵੱਡਾ ਚੈਨ ਹੋ ਗਿਆ। ਜਦੋਂ ਉਸਨੇ ਦੁਸ਼ਟ ਆਤਮਾ ਨੂੰ ਉਸ ਦੁਸ਼ਟ ਆਤਮਾ ਨਾਲ ਗ੍ਰਸਤ ਆਦਮੀ ਤੋਂ ਦੂਰ ਜਾਣ ਦਾ ਹੁਕਮ ਦਿੱਤਾ, ਤਾਂ ਦੁਸ਼ਟ ਆਤਮਾ ਤੁਰੰਤ ਚਲੀ ਗਈ। ਉਸਦੇ ਮੂੰਹ ਦੇ ਸਾਰੇ ਵਚਨ ਅਤੇ ਉਸਦੇ ਹੱਥਾਂ ਦੇ ਕੰਮ ਮਹਾਨ ਸੀ। ਅਤੇ ਉਹ ਤੁਹਾਡੇ ਜੀਵਨ ਵਿੱਚ ਵੀ ਮਹਾਨ ਚਮਤਕਾਰ ਅਤੇ ਅਚੰਭੇ ਕਰੇਗਾ।

ਸਾਡੇ ਪ੍ਰਭੂ ਨੇ ਸੁੱਕੀਆਂ ਹੱਡੀਆਂ ਨੂੰ ਵੀ ਜੀਵਨ ਦਿੱਤਾ, ਅਤੇ ਲਾਜ਼ਰ ਨੂੰ ਜ਼ਿੰਦਾ ਕੀਤਾ, ਭਾਵੇਂ ਹੀ ਉਸਦੀ ਲਾਸ਼ ਬਦਬੂ ਵਿੱਚ ਸੜ ਰਹੀ ਸੀ। ਉਹ ਸਮੁੰਦਰ ਤੇ ਤੁਰਿਆ ਅਤੇ ਸਿਰਫ਼ ਪੰਜ ਰੋਟੀਆਂ ਅਤੇ ਦੋ ਮੱਛੀਆਂ ਨਾਲ ਪੰਜ ਹਜ਼ਾਰ ਲੋਕਾਂ ਨੂੰ ਖੁਆਇਆ। ਉਹ ਇੱਕ ਮਹਾਨ ਅਤੇ ਸ਼ਕਤੀਸ਼ਾਲੀ ਪ੍ਰਮੇਸ਼ਵਰ ਹੈ। ਯਹੋਵਾਹ ਕਹਿੰਦਾ ਹੈ, “ਵੇਖ, ਮੈਂ ਸਾਰੇ ਬਸ਼ਰ ਦਾ ਯਹੋਵਾਹ ਪਰਮੇਸ਼ੁਰ ਹਾਂ। ਕੀ ਕੋਈ ਕੰਮ ਮੇਰੇ ਲਈ ਔਖਾ ਹੈ?”(ਯਿਰਮਿਯਾਹ 32:27)। ਪਵਿੱਤਰ ਸ਼ਾਸਤਰ ਇਹ ਵੀ ਕਹਿੰਦਾ ਹੈ, “ਕਿਉਂਕਿ ਕੋਈ ਬਚਨ ਪਰਮੇਸ਼ੁਰ ਦੀ ਵੱਲੋਂ ਸ਼ਕਤੀਹੀਣ ਨਾ ਹੋਵੇਗਾ”(ਲੂਕਾ ਦੀ ਇੰਜੀਲ 1:37)।

ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਹੋ ਸਕਦਾ ਹੈ ਕਿ ਤੁਸੀਂ ਆਪਣੇ ਜੀਵਨ ਵਿੱਚ ਇੱਕ ਅਚੰਭਾ ਪ੍ਰਾਪਤ ਕਰਨ ਦੇ ਲਈ ਜਾਂ ਅਸੰਭਵ ਸਥਿਤੀ ਵਿੱਚ ਤੁਹਾਡੀ ਮਦਦ ਕਰਨ ਦੇ ਲਈ ਪ੍ਰਮੇਸ਼ਵਰ ਦੇ ਹੱਥ ਦੇ ਲਈ ਆਪਣੇ ਦਿਲ ਵਿੱਚ ਲਾਲਸਾ ਕਰ ਰਹੇ ਹੋਵੋ। ਉਸ ਪ੍ਰਮੇਸ਼ਵਰ ਦੇ ਵੱਲ ਦੇਖੋ ਜਿਹੜਾ ਅਚੰਭੇ ਅਤੇ ਚਮਤਕਾਰ ਕਰਦਾ ਹੈ। ਉਸਦੀ ਉਸਤਤ ਕਰੋ ਅਤੇ ਉਸਨੂੰ ਦੱਸੋ “ਪ੍ਰਭੂ, ਤੁਸੀਂ ਬਹੁਤ ਮਹਾਨ ਹੋ”। ਉਹ ਜ਼ਰੂਰ ਹੀ ਤੁਹਾਡੇ ਜੀਵਨ ਵਿੱਚ ਅਚੰਭੇ ਅਤੇ ਚਮਤਕਾਰ ਕਰੇਗਾ।

ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ, “ਜਿਹੜਾ ਗਰੀਬ ਨੂੰ ਖਾਕ ਵਿੱਚੋਂ ਚੁੱਕਦਾ ਹੈ, ਅਤੇ ਕੰਗਾਲ ਨੂੰ ਰੂੜੀ ਤੋਂ ਉਠਾਉਂਦਾ ਹੈ”(ਜ਼ਬੂਰਾਂ ਦੀ ਪੋਥੀ 113:7)।

ਅਭਿਆਸ ਕਰਨ ਲਈ – “ਕਿਉਂ ਜੋ ਮੈਂ ਥੱਕੇ ਹੋਏ ਦੀ ਜਾਨ ਨੂੰ ਤ੍ਰਿਪਤ ਕਰਾਂਗਾ ਅਤੇ ਹਰੇਕ ਉਦਾਸ ਜਾਨ ਨੂੰ ਰਜਾ ਦਿਆਂਗਾ”(ਯਿਰਮਿਯਾਹ 31:25)।