Dec 18 – Isor jun hi dikhai!

Deuteronomy 32:12 Jehovah dusra desh laga Isor khan pora modot naloi kene nije ekla tai laga manu khan ke cholai ase.

Jehovah tu tai ase jun hi apuni khan ke sob homoi  te pura din te cholai thake. Tai apuni laga hath dhure aru apuni ke hosa laga rasta te loi jai. Jitya apuni Elijah ke sabo, tai ke kun bi modot kuribole nathakile bi ekla homoi te, tai nijor e Isor ke dishe aru rukhishe isor laga Chaya te cholabole nimite. Aru sabi kinika iman bhal pora Isor pora tai ke cholaishe.

Sukha dukh laga din te tu kawa pora hi tai ke roti aru mangso ani dishe phojir  te aru sham te tai cherith laga pani khai thake. Aru jitya itu nodi bi sukhi jaishe, isor pora taike vidvaah Zarephath pora hi khilabole dishe. Hodai din tu ekta achurit laga homoi thakishe. oh Isor laga bacha khan, jitya apuni niijor laga jibon ke isor laga hath te di diye, tai pora hi apuni keachurit pora cholabo tai laga morom aru ashish di kene.

Tai pora khali apuni ke chola nahoi hoilebi apuni laga pura porivaar ke cholabi. Tai ekla hi apuni laga sob porivaar karone kafi ase. Tai noah laga porivaar ke bibachai she. Jitya Cornelius laga porivaar tu Biswas te thakishe Jisu uporte, tai pora pura porivaar ke swarg laga uphar pora bhorta kuri dishe. Aji, apuni khan bi nijor laga sob dukh digdar khan dibi Isor laga tagot hath te. Aru hosa pora bi, apuni dikhibo tai laga achurit mahima ji pora apunike cholabo.

Ami khan laga Isor ekla hi kafi thakishe pura Israel desh ke cholabole nimte, jote bis lakh manu khan thakishe. kinika achurit pora hi Isor pora cholaishe taikhan ke Egypt laga chungul pora bachaikene dut aru shehed pa laga jagate loi jaishe. Tai khan majote 6 lakh manu toh mota khan thakishe lora kura laga, aru bishi tu maikhan aru bacha khan thakishe. tai khan sob ke jitya sukha balu mati pora par kuri thakishe Isor pora tai khan ke khana bi dishe 40 sal karone, it utu manu laga tagot pora kitya bi paribo thakanai.

Hoilebi Isor karone tu, jun pora hi taikhan ke cholaishe, tai nimite tu dangor kam thakanai. Tai laga hath tu khata nahoi. Hodai din tai pora swarg laga khana khilai thakishe. tai ekla pora hi taikhan ke khuta badol laga aru jui laga pora Chaya kuri kene loi jaishe. Oh Isor laga bacha khan amikhan laga Isor tu kitya bi bodli nuhua laga Isor ase. Ami khan laga Isor itu koishe, “ami tai ase jun ami ase” tai pora hi apuni khan ke namura tok cholai thakibo.

Aji bhabna kuribole laga pobitro kotha tu hoile psalms 32:8 ami pora apuni ke dikhabo aru sikhabo apuni kun rasta te jabo lage; ami apuni ke loi jabo ami laga suku pora.